സെസ് വർധിപ്പിക്കാൻ കേന്ദ്ര മന്ത്രിസഭ തീരുമാനം;വലിയ കാറുകൾക്ക്​ വില കൂടും.

ന്യൂഡൽഹി: (www.evisionnews.co)ജി.എസ്​.ടിയിൽ കാറുകൾക്ക്​ ഏർപ്പെടുത്തിയ സെസ്​ വർധിപ്പിക്കുന്നതിന് കേന്ദ്ര മന്ത്രിസഭ ഇന്ന് അംഗീകാരം നൽകി. ഇടത്തരം, വലിയ കാറുകൾ എസ്​.യു.വികൾ എന്നിവയുടെ ​സെസാണ്​​ വർധിപ്പിക്കുക. ഇത്​ കാറുകളുടെ വില കൂടുന്നതിന്​ കാരണമാവും. സെസ്​ 15 ശതമാനത്തിൽ നിന്ന്​ 25 ശതമാനമായി വർധിപ്പിക്കാനാണ്​ മന്ത്രിസഭ തീരുമാനം.ജി.എസ്​.ടിയിലെ സെക്ഷൻ എട്ടിൽ മാറ്റം വരുത്തുന്നതിനുള്ള ഒാർഡിനൻസ്​ ആയിരിക്കും സർക്കാർ പാർലമ​​​​െൻറിൽ അവതരിപ്പിക്കുക. നിലവിൽ ജി.എസ്​.ടിയിൽ ​28 ശതമാനം നികുതിയും 15 ശതമാനം സെസുമാണ്​ കാറുകൾക്ക്​ ചുമത്തുന്നത്​. ജി.എസ്​.ടി നിലവിൽ വരുന്നതിന്​ മുമ്പ്​ ചുമത്തിയിരുന്ന നികുതിയേക്കാളും കുറവാണിത്​​.അതേ സമയം, ജി.എസ്​.ടിയിൽ സെസ്​ ഉയർത്താനുള്ള തീരുമാനം വാഹന വിപണിക്ക്​ തിരിച്ചടിയാവുമെന്ന്​ ഒൗഡി പ്രതികരിച്ചു. നിലവിൽ ഉയർന്ന നികുതിയാണ്​ കാറുകൾക്ക്​ ചുമത്തുന്നത്​. ഇതിനൊപ്പം അധിക സെസ്​ കൂടി ഏ​ർപ്പെടുത്തിയാൽ ജി.എസ്​.ടിക്ക്​ മുമ്പുണ്ടായിരുന്നതിനേക്കാളും കാറുകൾക്ക്​ വില ഉയർത്തേണ്ടി വരുമെന്ന്​ ഒൗഡി ഇന്ത്യ തലവൻ റാഹിൽ അൻസാരി പറഞ്ഞു.​നേരത്തെ ജി.എസ്​.ടിയിൽ നികുതിയിളവ്​ ലഭിച്ചതോടെ രാജ്യത്തെ മുൻനിര കാർ നിർമാണ കമ്പനികളെല്ലാം വൻ വിലക്കുറവുമായി രംഗത്തെത്തിയിരുന്നു. 10,000 രൂപ മുതൽ ലക്ഷങ്ങൾ വരെ പല കാർ നിർമാണ കമ്പനികളും വിലയിൽ ഇളവ്​ ലഭ്യമാക്കിയിരുന്നു. എന്നാൽ കാറുകൾക്ക്​ ഇത്തരത്തിൽ ജി.എസ്​.ടിയിൽ നികുതിയിളവ്​ നൽകുന്നതിനെതിരെ രൂക്ഷമായ വിമർശനങ്ങൾ ഉയർന്നു. ഇതി​​​​​െൻറ പശ്​ചാത്തലത്തിലാണ്​ സെസ്​ വർധിപ്പിക്കാൻ സർക്കാർ തീരുമാനിച്ചത്​.