ആധാർ കാർഡും പാൻ കാർഡും ലിങ്ക്​ ചെയ്യുന്നതിനുള്ള അവസാന തിയതി നീട്ടി.

ന്യൂഡൽഹി:(www.evisionnews.co) ആധാർ കാർഡും പാൻ കാർഡും ലിങ്ക്​ ചെയ്യുന്നതിനുള്ള അവസാന തിയതി നീട്ടി. കാർഡുകൾ ലിങ്ക്​ ചെയ്യുന്നതിന്​ നാല്​ മാസം സമയം കൂടി അനുവദിച്ചു. ഇനി ഡിസംബർ 31ന്​ മുമ്പായി ആധാറും പാൻകാർഡും തമ്മിൽ ലിങ്ക്​ ചെയ്​താൽ മതിയാകും. നേരത്തെ കാർഡുകൾ ലിങ്ക്​ ചെയ്യുന്നതിന്​ ആഗസ്​റ്റ്​ 31 വരെയാണ്​ സമയം അനുവദിച്ചിരുന്നത്​.ആദായ നികുതി റിട്ടേൺ സമർപ്പിക്കുന്നവർക്ക് വലിയ ആശ്വാസം നൽകുന്നതാണ്​ കേന്ദ്രസർക്കാറിന്റെ ​തീരുമാനം. ഇൗ വർഷത്തെ ആദായ നികുതി റിട്ടേൺ സമർപ്പിക്കേണ്ടിയിരുന്ന അവസാന തിയതി ആഗസ്​റ്റ്​ അഞ്ച്​ ആയിരുന്നു. റിട്ടേൺ സമർപ്പിച്ചവർക്ക്​ ആധാർ കാർഡ്​ പാൻകാർഡുമായി ബന്ധിപ്പിക്കാൻ ആഗസ്​റ്റ്​ 31 വരെ സമയം അനുവദിച്ചിരുന്നു.