ചെന്നൈ (www.evisionnews.in): ചെന്നൈയിലെ അശോകനഗറില്‍ ദേശീയഗാനത്തിന് എഴുന്നേല്‍ക്കാത്തതിന് സ്ത്രീകളടക്കം മൂന്നു പേര്‍ക്ക് മര്‍ദ്ദനം. ഞായറാഴ്ച കാശി തിയേറ്ററില്‍ 'ചെന്നൈ 28' സിനിമയ്ക്കിടെയാണ് സംഭവം. ദേശീയഗാന സമയത്ത് എഴുന്നേറ്റുനില്‍ക്കാത്തിന്റെ പേരില്‍ ഏഴുപേര്‍ക്കെതിരെ പോലീസ് കേസെടുത്തു.
സിനിമ കാണാനെത്തിയവരില്‍ ഏഴുപേരാണ് എഴുന്നേറ്റ് നില്‍ക്കാതിരുന്നത്. ഇന്റര്‍വെല്‍ സമയത്ത് ഇവരെ ചോദ്യം ചെയ്യാനായി ഇരുപതോളം പേരടങ്ങിയ സംഘം സീറ്റിനടുത്തെത്തുകയും മര്‍ദിക്കുകയുമായിരുന്നു. ദേശീയഗാനത്തെ അപമാനിക്കന്‍ ഉദ്ദേശിച്ചിട്ടില്ലെന്നും സംഘം തങ്ങളെ കൊല്ലുമെന്നും ഭീഷണിപ്പെടുത്തിയെന്നും മര്‍ദ്ദനമേറ്റവര്‍ പറഞ്ഞു. ചോദ്യം ചെയ്തവരുടെ കൂട്ടത്തില്‍പ്പെട്ട വിജയകുമാര്‍ എന്നയാളുടെ പരാതിയിലാണ് ഏഴുപേര്‍ക്കെതിരെയും പോലീസ് കേസെടുത്ത്. ദേശീയഗാനം ചൊല്ലുമ്പോള്‍ സെല്‍ഫിയെടുത്തെന്നാണ് ആരോപണം.
Post a Comment
0 Comments