സംസ്ഥാന കബഡി ടീമിൽ കാസർകോട്ട് നിന്നും നാല് പേർ; ജഗദീഷ് കുമ്പള ടീം കോച്ച്

കാസര്‍കോട് :(www.evisionnews.in) രാജസ്ഥാനിലെ ജോദ്പൂരിൽ 5,6,7,8 തീയതികളിൽ നടക്കുന്ന ദേശീയ സീനിയർ കബഡി ചാമ്പ്യന്‍ഷിപ്പില്‍ പങ്കെടുക്കുന്ന കേരളാടീമിലേക്ക് കാസര്‍കോട് ജില്ലയിൽ നിന്നും നാല് പേരെ തിരഞ്ഞെടുത്തു. ഗിരീഷ് കാസർകോട്,നിഷാന്ത് കുതിരക്കോട് ,ആശിഷ് ചെറുവത്തൂർ ,സാഗർ ബാലകൃഷ്ണൻ എന്നിവരെയാണ് തിരഞ്ഞെടുത്തത്.കേരള ടീമിന്റെ കോച്ചായി ജഗദീഷ് കുമ്പളയെയും തിരഞ്ഞെടുത്തു.

കാസർകോട്, അശോക് നഗർ എന്നിവിടങ്ങളിൽ സംഘടിപ്പിച്ച ക്യാമ്പുകളിൽ നിന്നും പരിശീലനം പൂർത്തിയാക്കിയ താരങ്ങൾ ടീമിനോടൊപ്പം ചേരുന്നതിനായി ചൊവ്വാഴ്‌ച്ച വൈകുന്നേരം രാജസ്ഥാനിലേക്ക് തിരിച്ചു.