പടിമരുതിലെ ഓട്ടോ ഡ്രൈവര് സതീശന്റെ മകനാണ് അനയ്. അനയ്മോന്റെ ചികിത്സക്ക് പണമുണ്ടാക്കാന് കാഞ്ഞങ്ങാട്-പാണത്തൂര് പാതയില് സര്വ്വീസ് നടത്തുന്ന റിച്ചു ബസ് ഒരു ദിവസത്തെ കളക്ഷന് സമ്പാദ്യം നല്കുമെന്നറിയിച്ചതോടെയാണ് അനയ്മോന് ജനശ്രദ്ധ നേടിയത്. തുടര്ന്ന് നാടിന്റെ നാനാ ഭാഗത്തുനിന്നും അനയ്മോന്റെ ജീവന് രക്ഷിക്കാനുള്ള പ്രാര്ത്ഥനയും ധനസമാഹരണവുമായിരുന്നു. റിച്ചു ബസിന് പിന്നാലെ നിരവധി ബസുകള്, ഓട്ടോറിക്ഷകള് എന്നിവ അവരുടെ ഒരു ദിവസത്തെ വരുമാനം അനയ്മോന് ചികിത്സാനിധിയിലേക്ക് കൈമാറി.
32 ലക്ഷത്തോളം രൂപയാണ് ചികിത്സാഫണ്ടിലേക്ക് ലഭിച്ചത്. സതീശന്റെയും ലതികയുടേയും ഏക മകനാണ് അനയ്. അനയ മോന്റെ ചികില്സയ്ക്കുള്ള പണം കണ്ടെത്തിയ ജനകീയ കൂട്ടായ്മയാണ് പിന്നീട് പല നിര്ധന രോഗികളുടെ ചികിത്സയ്ക്ക് പണം കണ്ടെത്താന് പ്രേരക ശക്തിയായത്. അനയ്മോന്റെ ചികിത്സാകാര്യങ്ങള് ശ്രദ്ധിക്കാന് പിതാവ് സതീശന്, ഭാര്യ ലതിക, ലതികയുടെ സഹോദരി ചന്ദ്രമതി എന്നിവരും അനയ്മോന് ചികിത്സ കമ്മിറ്റി കണ്വീനര് സന്തോഷ്, പൊതുപ്രവര്ത്തകന് രതീഷ് എന്നിവരും
ആശുപത്രിയിലുണ്ടായിരുന്നു. അനയ്മോന്റെ മരണം ഒരു നാടിനെയാകെ കണ്ണീരിലാഴ്ത്തിയിരിക്കുകയാണ്
Post a Comment
0 Comments