കാസര്‍കോട്ടെ വാഹനങ്ങള്‍ക്കു പ്രത്യേക സുരക്ഷയ്ക്ക് നിര്‍ദ്ദേശം

കണ്ണൂര്‍:(www.evisionnews.in) ബി ജെ പി ദേശീയ സമ്മേളനത്തില്‍ പങ്കെടുക്കാന്‍ പോകുന്ന കാസര്‍കോട് ജില്ലയില്‍ നിന്നുള്ള പ്രവര്‍ത്തകരെയും വഹിച്ചു കൊണ്ടുള്ള വാഹനങ്ങള്‍ക്കു പ്രത്യേക സുരക്ഷ ഒരുക്കാന്‍ കണ്ണൂര്‍ ജില്ലാ പൊലീസ് ചീഫ് നിര്‍ദ്ദേശം നല്‍കി.

ഇതനുസരിച്ച് പയ്യന്നൂര്‍ മുതല്‍ മാഹിവരെ കടുത്ത ജാഗ്രതയും സുരക്ഷയും ഏര്‍ പ്പെടുത്തി. സമ്മേളനം കഴിഞ്ഞ് പ്രവര്‍ത്തകര്‍ തിരികെ ജില്ലാ അതിര്‍ത്തി വിടുന്നതുവരെ മതിയായ സുരക്ഷ നല്‍കണമെന്നും പട്രോളിംഗ് നടത്തണമെന്നും ജില്ലാ പൊലീസ് ചീഫ് നിര്‍ദ്ദേശം നല്‍കിയിട്ടുണ്ട്. നേരത്തെ സി പി എം-ബി ജെ പി സംഘര്‍ഷം അരങ്ങേറിയ സ്ഥലങ്ങളില്‍ പ്രത്യേക ജാഗ്രതയും പുലര്‍ത്തും.