സംഘ്പരിവാര്‍ ഓര്‍ക്കണം അഴിഞ്ഞാടാന്‍ ഇത് ഗുജറാത്തല്ല: എം.എസ്.എഫ്

കാസര്‍കോട്: (www.evisionnews.in)മതവും ജാതിയും മറ്റൊന്നായി പോയി എന്ന ഒറ്റക്കാരണം കൊണ്ട് മനുഷ്യര്‍ക്ക് നേരെ കഠാര എടുക്കുന്ന സംഘ് പരിവാര്‍ പ്രവര്‍ത്തനങ്ങള്‍ അങ്ങേയറ്റം അപലപനീയമാണെന്നും കാസര്‍കോടിന്റെ മണ്ണ് കലാപഭൂമിയാക്കാനുള്ള സംഘി ശ്രമങ്ങളെ എതിര്‍ക്കുമെന്നും എം.എസ്.എഫ് ജില്ലാ പ്രസിഡണ്ട് ഹാഷിം ബംബ്രാണിയും ജനറല്‍ സെക്രട്ടറി ഉസാം പള്ളങ്കോടും പ്രസ്താവിച്ചു. കണ്ണില്‍ കാണുന്നവരെയെല്ലാം അടിച്ചുവീഴ്ത്തി ഭീകരാന്തരീക്ഷം സൃഷ്ടിക്കാമെന്നത് വ്യാമോഹം മാത്രമാണെന്നും കാസര്‍കോടിന്റെ മണ്ണ് സമാധാനം കൊതിക്കുന്നവുരുടേതാണെന്നും ഇത് ഗുജറാത്തല്ലെന്ന് ഓര്‍ക്കുന്നത് നന്നായിരിക്കുമെന്നും അവര്‍ കൂട്ടിച്ചേര്‍ത്തു. 

സംഘ്പരിവാറിന് മേല്‍ക്കൈയുള്ള ചില മേഖലകളില്‍ മറ്റു രാഷ്ട്രീയപാര്‍ട്ടിക്കാര്‍ക്കും സമൂദായങ്ങള്‍ക്കും സഞ്ചാരസ്വാതന്ത്ര്യം പോലും ഇല്ലാത്ത അവസ്ഥയാണ്. ഏറ്റവം ഒടുവിലായി നിരപരാധിയായ ഒരു വിദ്യര്‍ത്ഥിയെ കുപ്പിക്കൊണ്ട് തലക്കടിച്ച് മാരകമായി പരിക്കേല്‍പ്പിച്ചിരിക്കുകയാണ്. ഇതിലൂടെ സഞ്ചരിക്കുന്ന ഓരോരുത്തരും അക്രമത്തിന് ഇരയാകുന്നു. നിര്‍ഭയമായി ജീവിക്കാന്‍ പോലും പറ്റാത്ത അവസ്ഥയാണ് ഇവിടെയുള്ളത്. ഗുജറാത്തില്‍ എന്തും നടക്കുമെന്ന് കരുതി അത് കാസര്‍കോട്ടും നടപ്പാക്കാന്‍ നോക്കേണ്ടെന്നും കാസര്‍കോടിന്റെ ജനത സമാധാനം കൊതിക്കുന്നവരാണെന്നും നേതാക്കള്‍ കൂട്ടിച്ചേര്‍ത്തു.