സഹകരണ വകുപ്പ് ചുമതലപ്പെടുത്തിയ 85 ഓളം പേര് വരുന്ന അന്വേഷണ സ്ക്വാഡ് ചൊവ്വാഴ്ച മുതല് പരിശോധന തുടങ്ങും. സ്വര്ണ്ണപ്പണയം സ്വീകരിക്കുന്ന ബാങ്കുകളിലും സഹകരണ സംഘങ്ങളിലുമാണ് പരിശോധന. പത്ത് ദിവസത്തിനകം പരിശോധന പൂര്ത്തിയാക്കാനാണ് നീക്കം.
ബാങ്കുകള്ക്ക് പുറമെ എംപ്ളോയീസ് സംഘങ്ങള്, അര്ബന് സൊസൈറ്റികള്, ക്ഷേമസംഘങ്ങള്, വനിതാ സംഘങ്ങള്, കാര്ഷിക ബാങ്കുകള് തുടങ്ങി സ്വര്ണ്ണപണയ ഇടപാടുകള് നടത്തുന്ന എല്ലാ സഹകരണ സംഘങ്ങളിലും പരിശോധന നടത്തും. ഓരോ സ്ക്വാഡിലും അഞ്ചുപേരുണ്ടാകും. വിശ്വസ്തരായ അപ്രൈസര്മാരെയും സംഘത്തില് ഉള്പ്പെടുത്തിയിട്ടുണ്ട്. മുട്ടത്തൊടി ബാങ്കില് കോടികളുടെ തട്ടിപ്പ് നടക്കാന് ഇടവന്നത് അപ്രൈസര്മാര് ഒത്താശ നല്കിയതുകൊണ്ടാണെന്ന് പോലീസും റിപ്പോര്ട്ട് നല്കിയിട്ടുണ്ട്. സ്വര്ണത്തിന്റെ വിശ്വാസ്യത ഉറപ്പുവരുത്താന് ഒന്നിലധികം തവണ പണ്ടങ്ങള് പരിശോധനക്ക് വിധേയമാക്കും.
Post a Comment
0 Comments