കൊല്ലം: (www.evisionnews.in)കൊട്ടാരക്കര പോലീസ് സ്റ്റേഷനില് ആര്.എസ്.എസ് ആക്രമണം. ആക്രമണത്തില് സി.ഐ, എസ്.ഐ അടക്കം ആറു പോലീസ് ഉദ്യോഗസ്ഥര്ക്ക് പരിക്കേറ്റു. അക്രമികള് പോലീസ് ജീപ്പുകളും സ്റ്റേഷന്റെ ജനല് ചില്ലുകളും അടിച്ചു തകര്ത്തു.
നൈറ്റ് പട്രോളിങ്ങിനിടെ കൊട്ടാരക്കര കോട്ടാത്തലവെച്ച് ആര്.എസ്.എസ് പ്രചാരകനുള്പ്പെടെ ഒരു ബൈക്കില് സഞ്ചരിക്കുകയായിരുന്ന മൂന്നുപേരെ വാഹനപരിശോധനയ്ക്കിടെ പൊലീസ് തടഞ്ഞതാണ് ആക്രമണത്തിനു കാരണം
ബൈക്കിലുണ്ടായിരുന്ന ആര്.എസ്.എസ് ജില്ല പ്രചാരക് ബിനീഷ്, കൊട്ടാരക്കര എസ്.ഐ ശിവപ്രസാദിനോട് തട്ടിക്കയറിയപ്പോള് പോലീസ് ഇയാളെ അറസ്റ്റ് ചെയ്യുകയായിരുന്നു.
ഇയാളെ കസ്റ്റയിലെടുത്തതോടെ കൂടുതല് ആര്.എസ്.എസ് പ്രവര്ത്തകര് സ്റ്റേഷനിലെത്തി. സംഭവം അറിഞ്ഞ് സ്ഥലത്തെത്തിയ കൊട്ടാരക്കര സി.ഐയും ആര്.എസ്.എസ് നേതാക്കളുമായി സംസാരിക്കുന്നതിനിടെയാണ് പ്രവര്ത്തകര് സ്റ്റേഷന് നേരെ ആക്രമണം അഴിച്ചുവിട്ടത്.
തുടര്ന്ന് കൊട്ടാരക്കര ക്ഷേത്രത്തിന് സമീപത്തെ ആര്.എസ്.എസ് കാര്യാലയത്തിലേക്ക് ഓടിക്കയറിയ പ്രവര്ത്തകര് അവിടേക്കെത്തിയ പൊലിസുകാര്ക്ക് നേരെയും ആക്രമണം തുടര്ന്നു. സംഭവത്തില് ജില്ല പ്രചാരക് ബിനീഷും പ്രവര്ത്തകന് സമീഷ് എന്നിവരെ കസ്റ്റഡിയിലെടുത്തു.
പരിക്കേറ്റ പോലീസുകാരെ കൊട്ടാരക്കര താലൂക്ക് ആശുപത്രിയില് പ്രവേശിപ്പിച്ചു
Post a Comment
0 Comments