കാസര്‍കോട്: (www.evisionnews.in) ജില്ലയില്‍ ദേശീയപാതയോരത്ത് അപകടഭീഷണിയുയര്‍ത്തുന്ന മരങ്ങള്‍ മുറിച്ചുമാറ്റുന്നതിന് മുന്നോടിയായി ഇത്തരത്തിലുള്ള മരങ്ങളുടെ കണക്കെടുപ്പ് തുടങ്ങി.ജില്ലാ കലക്ടറുടെ നിര്‍ദേശപ്രകാരമാണ് ഉദ്യോഗസ്ഥരുടെ സ്‌ക്വാഡ് ഇതുസംബന്ധിച്ച കണക്കെടുപ്പ് ആരംഭിച്ചിരിക്കുന്നത്.
ദേശീയ-സംസ്ഥാനപാതകള്‍ക്കും വാഹനഗതാഗതം സജീവമായ മറ്റ് പ്രധാനറോഡുകള്‍ക്കും സമീപത്ത് ഏത് സമയത്തും കടപുഴകി വീഴാറായ അവസ്ഥയിലുള്ള മുഴുവനും വെട്ടിമാറ്റണമെന്ന് കഴിഞ്ഞ ദിവസമാണ് കലക്ടര്‍ ഉത്തരവിട്ടത്. ഇതിന് വേണ്ട നടപടിക്രമങ്ങള്‍ വേഗത്തില്‍ പൂര്‍ത്തീകരിക്കുന്നതിന് വേണ്ടിയാണ് മരങ്ങളുടെ കണക്കെടുപ്പ് നടത്തുന്നത്.അപകടഭീഷണിയുയര്‍ത്തുന്ന മരങ്ങളുടെ വിശദവിവരമടങ്ങിയ റിപ്പോര്‍ട്ട് ഉടന്‍ സമര്‍പ്പിക്കണമെന്നാണ് കലക്ടര്‍ ഉദ്യോഗസ്ഥര്‍ക്ക് നല്‍കിയിരിക്കുന്ന നിര്‍ദേശം. കാസര്‍കോട് മുതല്‍ കുമ്പള വരെ ദേശീയപാതക്കരികില്‍ വേരുകള്‍ ദ്രവിച്ച് നിലം പതിക്കാറായ നിരവധി വന്‍മരങ്ങളാണുള്ളത്.്. അടുക്കത്ത്ബയല്‍, ചൗക്കി, മൊഗ്രാല്‍ പുത്തൂര്‍,കറന്തക്കാട്, താളിപ്പടുപ്പ്്്, മൊഗ്രാല്‍ പുത്തൂര്‍, മൊഗ്രാല്‍ എന്നിവിടങ്ങളില്‍ മരങ്ങളും തെങ്ങുകളും റോഡിലേക്ക് ചാഞ്ഞുകിടക്കുകയാണ്. ശക്തമായ കാറ്റിലും മഴയിലും ജില്ലയിലെ വിവിധ ഭാഗങ്ങളിലായി അനേകം മരങ്ങളാണ് റോഡിലേക്ക് കഴിഞ്ഞ ഒരുമാസത്തിനിടയില്‍ കടപുഴകിവീണത്. കഴിഞ്ഞദിവസം മൊഗ്രാല്‍ കൊപ്രബസാറില്‍ ദേശീയപാതയ്ക്കരികിലുള്ള കൂറ്റന്‍ ആല്‍മരംകടപുഴകി
വീണിരുന്നു. മരം വീണത് സ്വകാര്യവ്യക്തിയുടെ വീട്ടുപറമ്പിലായതിനാലാണ് ദുരന്തം ഒഴിവായത്. ഈ സമയം റോഡിലൂടെ നിരവധി വാഹനങ്ങള്‍ കടന്നുപോകുന്നുണ്ടായിരുന്നു. കഴിഞ്ഞ ദിവസം രാത്രി പെര്‍ളയില്‍ മരം റോഡിലേക്ക് വീണ് ഏറൈ നേരമാണ് ഗതാഗതം തടസ്സപ്പെട്ടത്. ഇവിടെയുംദുരന്തം വഴിമാറിപ്പോകുകയായിരുന്നു.
Keywords: Kasaragod-national-highway-trees
Post a Comment
0 Comments