കാസര്‍കോട്: കൂട്ടപീഡനത്തിനിരയാക്കിയ 17കാരിയുടെ രഹസ്യമൊഴി കോടതി രേഖപ്പെടുത്തി. വിദ്യാനഗര്‍ പൊലീസ് സ്റ്റേഷന്‍ പരിധിയില്‍ താമസിക്കുന്ന പെണ്‍കുട്ടിയുടെ മൊഴിയാണ് കാസര്‍കോട് ജുഡീഷ്യല്‍ മജിസ്‌ട്രേട്ട് (ഒന്ന്) കോടതി രേഖപ്പെടുത്തിയത്. കേസിലെ ഒരു പ്രതിയെകൂടി ക്രൈംബ്രാഞ്ച് അറസ്റ്റു ചെയ്തു. നായന്മാര്‍മൂലയിലെ ഹക്കീമിനെ (34)യാണ് ക്രൈംബ്രാഞ്ച് ഡി.വൈ.എസ്.പി എ. സതീഷ് കുമാര്‍ അറസ്റ്റു ചെയ്തത്.
ഇതോടെ അറസ്റ്റിലായവരുടെ എണ്ണം എട്ടായി. 13 പ്രതികളാണ് കേസിലുള്ളത്. ആദ്യം ഈകേസ് അന്വേഷിച്ച വിദ്യാനഗര്‍ പൊലീസ് ആറു പ്രതികളെ അറസ്റ്റു ചെയ്തിരുന്നു. ക്രൈംബ്രാഞ്ച് ഇതുവരെയായി രണ്ടുപേരെ അറസ്റ്റു ചെയ്തു. ഇനി അഞ്ചു പ്രതികളാണ് പിടിയിലാകാനു ള്ളത്. ഇവരെ പിടികൂടുന്നതിന് ക്രൈംബ്രാഞ്ച് അന്വേഷണം ഊര്‍ജിതമാക്കി.
നിലവില്‍ പ്രതിപട്ടികയിലുള്ളവരെ കൂടാതെ മറ്റു ചിലരുടെ പേരുകളും പെണ്‍കുട്ടി വെളിപ്പെടുത്തിയതായാണ് വിവരം. വിശദമായ അന്വേഷണത്തിലൂടെ മാത്രമേ ഇവരെ പ്രതി ചേര്‍ക്കണോ എന്ന കാര്യത്തില്‍ തീരുമാനമെടുക്കൂ. പീഡനക്കേസില്‍ പൊലീസിന്റെ അന്വേഷണ റിപ്പോര്‍ട്ട് കോടതിയില്‍ സമര്‍പ്പിച്ചിട്ടുണ്ട്. പീഡനത്തിനിരയായ പെണ്‍കുട്ടിയെ സര്‍ക്കാര്‍ നിയന്ത്രണത്തിലുള്ള ഒരു സ്ഥാപനത്തിലാണ് പാര്‍പ്പിച്ചിരിക്കുന്നത്. പെണ്‍കുട്ടി ഇവിടെ നിന്നു രക്ഷപ്പെടാന്‍ ശ്രമിച്ചതായി വിവരമുണ്ട്.
കൂട്ടപീഡനം; പെണ്‍കുട്ടിയുടെ രഹസ്യമൊഴി രേഖപ്പെടുത്തി ഒരാള്‍ കൂടി അറസ്റ്റില്‍
4/
5
Oleh
evisionnews
Posts
