'അജ്ഞാത കേന്ദ്ര'ത്തിലേക്ക് സൗജന്യ യാത്രയൊരുക്കി വിസ്എയര്‍

അ​ബൂ​ദാബി: അവിസ്മരണീയമായ ഒരു യാത്രാ സമ്മാനമൊരുക്കി അബുദാബി വിസ്എയർ. യു.എ.ഇ.യിലെ ഏറ്റവും ചെലവ് കുറഞ്ഞതും ടൂറിസം കേ​ന്ദ്ര​ങ്ങ​ളി​ലേ​ക്ക് കുറഞ്ഞ ചെലവിൽ യാത്ര ഒരുക്കുന്നതുമായ വിസ്എയറാണ് 'അജ്ഞാത കേ​ന്ദ്ര​ങ്ങ​ളി​ലേ​ക്ക്' സൗജന്യ ടിക്കറ്റുകൾ നൽകുന്നത്. ഓഗസ്റ്റ് 26 ന് അബുദാബിയിൽ നിന്ന് പുറപ്പെടുന്ന വിമാനം ഓഗസ്റ്റ് 28 ന് മടങ്ങും. ഇതിനുള്ള അവസരം ലഭിക്കുന്നതിന്, വിസ്എയർ ഒരുക്കുന്ന മത്സരങ്ങളിൽ വിജയിക്കണം. മത്സരത്തിൽ പങ്കെടുക്കാൻ ആഗ്രഹിക്കുന്നവർ അവരുടെ അവിസ്മരണീയമായ യാത്രാനുഭവങ്ങൾ ഇൻസ്റ്റാഗ്രാമിൽ പങ്കിടണം. ആ​ഗ​സ്റ്റ് ഏ​ഴി​നു രാ​ത്രി 11.59നാ​ണ് മ​ത്സ​രം അ​വ​സാ​നി​ക്കു​ക. തി​ര​ഞ്ഞെ​ടു​ക്ക​പ്പെടു​ന്ന 100 പേ​ര്‍ക്കാ​ണ് 'അ​ജ്ഞാ​ത കേ​ന്ദ്രങ്ങ​ളി​ലേ​ക്കു​ള്ള' യാ​ത്ര​ക്ക്​ അ​വ​സ​രം ല​ഭി​ക്കു​ക. അ​വ​ര്‍ക്ക് ഒ​രു പ​ങ്കാ​ളി​യെ​ക്കൂ​ടി കൂ​ടെ കൂ​ട്ടാ​വു​ന്ന​താ​ണ്. ര​ണ്ടു രാ​ത്രി​യി​ലെ താ​മ​സ​വും യാ​ത്ര​യു​മാ​ണ് ന​ല്‍കു​ക.