കേരളം (www.evisionnews.in): സംസ്ഥാനത്ത് ഒക്ടോബര് 17വരെ വ്യാപകമായ മഴക്ക് സാധ്യതയുണ്ട്. അടുത്ത മൂന്നു മണിക്കൂറില് കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളില് മഴയ്ക്ക് സാദ്ധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു. കാസര്ഗോഡ്, കണ്ണൂര്, വയനാട്, കോഴിക്കോട്, മലപ്പുറം, പാലക്കാട് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചിരിക്കുകയാണ്. അഞ്ച് ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്.
അറബിക്കടലിലും ബംഗാള് ഉള്ക്കടലിലും ന്യൂനമര്ദ്ദം രൂപപ്പെട്ടു. തെക്ക് കിഴക്കന് അറബിക്കടലില് ലക്ഷദ്വീപ് തീരത്തിനു സമീപവും തെക്ക് കിഴക്കന് ബംഗാള് ഉള്ക്കടലിലുമാണ് ന്യൂനമര്ദ്ദങ്ങള് രൂപപ്പെട്ടിരിക്കുന്നത്. അടുത്ത് 24 മണിക്കൂറില് പടിഞ്ഞാറു വടക്ക് പടിഞ്ഞാറു ദിശയില് സഞ്ചരിച്ചു ആന്ധ്രാപ്രദേശ് ഒഡിഷ തീരത്ത് കരയില് പ്രവേശിക്കാന് സാധ്യത. കേരള, ലക്ഷദ്വീപ് തീരങ്ങളില് മത്സ്യത്തൊഴിലാളികള് കടലില് പോകരുതെന്ന് മുന്നറിയിപ്പുണ്ട്. മലയോര മേഖലകളില് ജാഗ്രതാനിര്ദേശം നല്കിയിട്ടുണ്ട്. മഴയെ തുടര്ന്ന് ജലനിരപ്പ് ഉയരുന്നുണ്ടെങ്കിലും ഇടുക്കി അണക്കെട്ട് തല്ക്കാലം തുറക്കേണ്ടെന്ന തീരുമാനത്തിലാണ് വൈദ്യുതി ബോര്ഡ്.
Post a Comment
0 Comments