Saturday, 17 July 2021

യുവതിയെ ലോഡ്ജില്‍ കൊണ്ടുപോയി പീഡിപ്പിച്ചതായി പരാതി


സുള്ള്യ (www.evisionnews.co): യുവതിയെ ലോഡ്ജിലേക്ക് കൊണ്ടുപോയി പീഡിപ്പിക്കുകയും നഗ്ന വീഡിയോകള്‍ പകര്‍ത്തുകയും ചെയ്‌തെന്ന പരാതിയില്‍ ഒരാള്‍ക്കെതിരെ സുബ്രഹ്‌മണ്യ പൊലീസ് കേസെടുത്തു. പുത്തൂര്‍ താലൂക്കിലെ സുള്ള്യപദവ് സ്വദേശിനിയായ 26 കാരിയായ ഭര്‍തൃമതിയാണ് വിജേഷ് എന്നയാള്‍ക്കെതിരെ പരാതി നല്‍കിയത്. 

പരാതിക്കാരിയും വിജേഷും മുമ്പ് അടുപ്പത്തിലായിരുന്നു. 2016 നവംബറില്‍ പുത്തൂരില്‍ കാപ്പി കുടിക്കാനെന്ന വ്യാജേന കാറില്‍ തട്ടിക്കൊണ്ട് പോകുകയും സൂറത്കലിലെ ഒരു ലോഡ്ജിലേക്ക് കൊണ്ടുപോയി പീഡിപ്പിക്കുകയും നഗ്ന ഫോട്ടോകളും വീഡിയോയും റെക്കോര്‍ഡു ചെയ്യുകയും ചെയ്തതായും പരാതിയില്‍ പറയുന്നു. പിന്നീട് വിജേഷ് ജോലി നേടി വിദേശത്തേക്ക് പോയി.

വര്‍ഷങ്ങള്‍ കഴിഞ്ഞ് നഗ്ന ഫോട്ടോകള്‍ യുവതിയുടെ ഭര്‍ത്താവിന് അയച്ചു കൊടുക്കുകയായിരുന്നു. ഇതിന്റെ അടിസ്ഥാനത്തില്‍ വിവാഹമോചനം ആവശ്യപ്പെട്ട് ഭര്‍ത്താവ് കോടതിയില്‍ അപേക്ഷ നല്‍കിയിട്ടുണ്ട്. ഈ വര്‍ഷം 2021 മെയ് മാസത്തിലായിരുന്നു യുവതിയുടെ വിവാഹം നടന്നത്. പരാതിയുടെ അടിസ്ഥാനത്തില്‍ തട്ടിക്കൊണ്ടുപോകല്‍, ബലാത്സംഗം, വഞ്ചന എന്നിവയുമായി ബന്ധപ്പെട്ട കേസ് സുബ്രഹ്‌മണ്യ പോലീസ് സ്റ്റേഷനില്‍ രജിസ്റ്റര്‍ ചെയ്തു.

Related Posts

യുവതിയെ ലോഡ്ജില്‍ കൊണ്ടുപോയി പീഡിപ്പിച്ചതായി പരാതി
4/ 5
Oleh

Subscribe via email

Like the post above? Please subscribe to the latest posts directly via email.