മേല്പറമ്പ്: (www.evisionnews.co) നാടിനെ നടുക്കിയ കൊലപാതകം സോഷ്യല് മീഡിയയില് പ്രചരിപ്പിച്ചെന്ന കാരണം പറഞ്ഞ് യൂത്ത് ലീഗ് ഉദുമ മണ്ഡലം സെക്രട്ടറി ബികെ മുഹമ്മദ് ഷാക്കെതിരെ ഡി.വൈഎഫ്ഐ പ്രവര്ത്തകന്റെ പരാതിയില് രാഷ്ട്രീയ പ്രേരിതമായി കള്ളകേസെടുത്ത പോലീസ് നടപടി പ്രതിഷേധാര്ഹമാണെന്ന് യൂത്ത് ലീഗ് ഉദുമ മണ്ഡലം പ്രസിഡന്റ് ആസിഫ് മാളിക, ജനറല് സെക്രട്ടറി എം.ബി ഷാനവാസ് പറഞ്ഞു.
പട്ടാപ്പകല് കാസര്കോട് നഗരത്തില് യുവാവ് അടിയേറ്റ് മരണപ്പെട്ട സംഭവത്തില് കുറ്റക്കാര്ക്കെതിരെ നടപടി സ്വീകരിക്കാന് അമാന്തം കാണിക്കുന്ന പോലീസ് പകപോക്കല് രാഷ്ട്രീയത്തിന്റെ ഭാഗമായി നല്കിയ കള്ളപരാതിയില് കേസെടുക്കാന് കാട്ടിയ തിടുക്കം അത്ഭുതപ്പെടുത്തുന്നതാണ്.
വാക്കിലും പ്രവര്ത്തിയിലും വര്ഗ്ഗീയത പ്രകടിപ്പിക്കുന്ന സംഘ് പരിവാറുകാര്ക്കും വര്ഗ്ഗീയത പ്രസംഗിക്കുകയും പ്രചരിപ്പിക്കുകയും ചെയ്യുന്ന സി.പി.എമ്മുകാര്ക്കും നേരെ കണ്ണടക്കുന്ന പോലീസും സര്ക്കാരും ആടിനെ പട്ടിയാക്കുകയാണെന്നും കേസിനെ നിയമപരമായി നേരിടുമെന്നും നേതാക്കള് മുന്നറിയിപ്പ് നല്കി.
Post a Comment
0 Comments