കേരളം (www.evisionnews.co): പാണക്കാട്ടേക്ക് ഇനിയും പോകുമെന്ന് മുന് മുഖ്യമന്ത്രി ഉമ്മന്ചാണ്ടി. സങ്കുചിത രാഷ്ട്രീയ താത്പര്യത്തോടെ യുഡിഎഫിനെതിരെ സിപിഎം വിമര്ശനം ഉന്നയിക്കുന്നുവെന്നും ഉമ്മന് ചാണ്ടി ആരോപിച്ചു. കോണ്ഗ്രസ് നേതാക്കള് ഹൈദരലി തങ്ങളെ സന്ദര്ശിച്ചതിനെ വിമര്ശിച്ച സിപിഎം സംസ്ഥാന സെക്രട്ടറി എ വിജരാഘവന് മറുപടി പറയുകയായിരുന്നു ഉമ്മന്ചാണ്ടി.
യുഡിഎഫ് നേതാക്കളുടെ പാണക്കാട് സന്ദര്ശനത്തെ പോലും വര്ഗ്ഗീയമായാണ് എ വിജയരാഘവന് കാണുന്നത്. എ വിജയരാഘവന് പാണക്കാട് പോകാന് കഴിയാത്തതിന്റെ നിരാശയാണ്. കിട്ടാത്ത മുന്തിരി പുളിക്കുമെന്ന പോലെയാണ് വിജയരാഘവന്റെ പരിഭവം. ബാബരി മസ്ജിദ് തകര്ത്ത അവസരത്തില് കേരളത്തെ രക്ഷിച്ചത് പാണക്കാട് സയ്യിദ് മുഹമ്മദലി ശിഹാബ് തങ്ങളുടെ ആഹ്വാനമാണ്- ഉമ്മന്ചാണ്ടി ഓര്മിപ്പിച്ചു.
ഐക്യജനാധിപത്യ മുന്നണി ഒറ്റക്കെട്ടായി തന്നെ നിയമസഭാ തെരഞ്ഞെടുപ്പിനെ നേരിടും. അവസരത്തിനൊത്ത് രാഷ്ട്രീയ നിലപാട് മാറ്റുന്ന പാര്ട്ടിയാണ് സിപിഎം. കെഎം മാണിയുടെ പാര്ട്ടിയുമായി വരെ കൂട്ടുകൂടാന് സിപിഎമ്മിന് മടിയുണ്ടായിട്ടില്ല. കെഎം മാണി അഴിമതിക്കാരനല്ലെന്ന നിലപാടില് അന്നും ഇന്നും കോണ്ഗ്രസ് ഉറച്ച് നില്ക്കുകയാണെന്നും ഉമ്മന്ചാണ്ടി പറഞ്ഞു.
Post a Comment
0 Comments