മംഗളൂരു (www.evisionnews.co): കേരളത്തില്‍ നിന്നുള്ള ഇറച്ചിക്കോഴികള്‍ക്ക് കര്‍ണാടകയില്‍ നിരോധനമേര്‍പ്പെടുത്തി. കോഴി, താറാവി, കാട തുടങ്ങിയവ കൊണ്ടുവരുന്നതിനാണ് നിരോധനം ഏര്‍പ്പെടുത്തിയിരിക്കുന്നത്. പക്ഷിപ്പനി സ്ഥിരീകരിച്ചതിനെ തുടര്‍ന്ന് കേരളവുമായി അതിര്‍ത്തി പങ്കിടുന്ന കര്‍ണാടക ജില്ലകളിലെ ഡെപ്യൂട്ടി കമ്മീഷണര്‍മാരാണ് ആരോഗ്യവകുപ്പിന്റെ നിര്‍ദേശത്തെ തുടര്‍ന്ന് ഇതുസംബന്ധിച്ച ഉത്തരവിറക്കിയിരിക്കുന്നത്. കര്‍ണാടകയില്‍ നിന്ന് കേരളത്തിലേക്ക് കോഴിയുമായി പോകുന്ന വാഹനങ്ങള്‍ തിരികെ വരുമ്പോള്‍ അണുവിമുക്തമാക്കണമെന്നും ഉത്തരവില്‍ പറയുന്നു. ദക്ഷിണ കന്നഡ ജില്ലയിലെ മഞ്ചനാടിയില്‍ കാക്കകളെ കൂട്ടത്തോടെ ചത്ത നിലയില്‍ കണ്ടെത്തിയത് ആശങ്ക സൃഷ്ടിച്ചിരുന്നു. പക്ഷിപ്പനിയാണോ കാരണമെന്നതുസംബന്ധിച്ച് അന്വേഷണം നടക്കുകയാണ്.
Post a Comment
0 Comments