കോഴിക്കോട് (www.evisionnews.co): ഫറോക്ക് കല്ലമ്പാറയില് ഷിഗെല്ല സ്ഥിരീകരിച്ചു. ഒന്നര വയസ്സുകാരനാണ് രോഗം സ്ഥിരീകരിച്ചത്. കുട്ടിയെ സ്വകാര്യ ആശുപത്രിയിലേക്ക് മാറ്റി. ഫറോക്കില് നേരത്തെയും രോഗം സ്ഥിരീകരിച്ചിരുന്നു. അതേസമയം ഷിഗെല്ല രോഗം റിപ്പോര്ട്ട് ചെയ്ത കോഴിക്കോട് കോട്ടാംപറമ്പിലെ രണ്ടു കിണറുകളിലെ വെള്ളത്തില് ഷിഗെല്ലയ്ക്ക് സമാനമായ ബാക്ടീരിയ കണ്ടെത്തിയതായി പ്രാഥമിക വിവരം പുറത്തുവന്നു.
അതേസമയം ഇത് സംബന്ധിച്ച് അന്തിമ റിപ്പോര്ട്ട് വന്നിട്ടില്ല. കോഴിക്കോട് മെഡിക്കല് കോളെജിലെ കമ്മ്യൂണിറ്റി മെഡിസിന് വിഭാഗം നടത്തിയ പ്രാഥമിക പഠനത്തില് വെള്ളത്തിലൂടെയാണ് ഷിഗെല്ല പടര്ന്നതെന്ന വിവരം നേരത്തെ കണ്ടെത്തിയിരുന്നു. ഇതിന് പിന്നാലെയാണ് രോഗം റിപ്പോര്ട്ട് ചെയ്ത പ്രദേശത്തെ വെള്ളത്തില് ഷിഗെല്ലയ്ക്ക് സമാനമായ ബാക്ടീരിയയെ കണ്ടെത്തിയെന്ന പ്രാഥമിക വിവരങ്ങള് പുറത്തുവരുന്നത്.
Post a Comment
0 Comments