കേരളം (www.evisionnews.co): 15 വാര്‍ഡുകളുള്ള കാഞ്ചിയാര്‍ പഞ്ചായത്തില്‍ 9 സീറ്റുകളില്‍ എല്‍ഡിഎഫ് ജയിച്ചെങ്കിലും പ്രസിഡന്റ് പദവി അലങ്കരിക്കാന്‍ അവര്‍ക്കായില്ല. പഞ്ചായത്തിലെ ഏക ബിജെപി അംഗമാണ് ഇവിടെ പ്രസിഡന്റ് ആവുക. പട്ടികജാതി വിഭാഗത്തിന് പ്രസിഡന്റ് സ്ഥാനം സംവരണം ചെയ്തിരിക്കുന്ന പഞ്ചായത്താണിത്. തെരഞ്ഞെടുപ്പില്‍ ഇവിടെ ഈ വിഭാഗത്തില്‍പെട്ടവര്‍ എല്‍ഡിഎഫിന്റെ പക്ഷത്തുനിന്നും വിജയിച്ചില്ല.
ഇതാണ് പഞ്ചായത്ത് നേടിയിട്ടും പ്രസിഡന്റ് സ്വന്തമാക്കാന്‍ എല്‍ഡിഎഫിനു സാധിക്കാതെ പോയത്. ഈ വിഭാഗത്തില്‍ നിന്നുള്ള നാലു പേരാണ് പഞ്ചായത്ത് മേഖലയില്‍ മത്സരിച്ചത്. അവരില്‍ നരിയമ്ബാറ വാര്‍ഡില്‍ മത്സരിച്ച ബിജെപി സ്ഥാനാര്‍ഥി കെ.സി.സുരേഷ് മാത്രമാണു ജയിച്ചത്. മറ്റുള്ളവരെല്ലാം തോറ്റു. അതോടെ പഞ്ചായത്തിലെ ഏക ബിജെപി അംഗമായ കെ.സി സുരേഷിന് പ്രസിഡന്റ് പദവിയിലേക്കുള്ള വഴി തുറക്കുകയായിരുന്നു.
Post a Comment
0 Comments