നെല്ലിക്കുന്നില്‍ കാര്‍ തടഞ്ഞ് അക്രമം: ഒരാള്‍ കൂടി അറസ്റ്റില്‍

കാസര്‍കോട് (www.evisionnews.in): കാറില്‍ സഞ്ചരിക്കുകയായിരുന്ന കുടുംബത്തെ നെല്ലിക്കുന്ന് ലൈറ്റ് ഹൗസ് കടപ്പുറത്തിന് സമീപം തടഞ്ഞുനിര്‍ത്തി അക്രമിച്ച കേസില്‍ ഒരാള്‍ കൂടി അറസ്റ്റിലായി. നെല്ലിക്കുന്ന് കടപ്പുറത്തെ അഖിലിനെ (20)യാണ് അറസ്റ്റ് ടൗണ്‍ എസ്.ഐ രഞ്ജിത്ത് രവീന്ദ്രന്‍ അറസ്റ്റു ചെയ്തത്. കേസില്‍ ഒരാളെ നേരത്തെ അറസ്റ്റു ചെയ്തിരുന്നു. 

മെയ് 22ന് രാത്രിയാണ് കേസിനാസ്പദമായ സംഭവം. കാസര്‍കോട് ടൗണിലേക്ക് നെല്ലിക്കുന്ന് കടപ്പുറം വഴി വരികയായിരുന്ന ചേരങ്കൈയിലെ പി.എം അബ്ദുല്ല (40)യെയും കുടുംബത്തെയും ലൈറ്റ് ഹൗസിന് സമീപം കാര്‍ തടഞ്ഞു നിര്‍ത്തിയ ശേഷം മാരകമായി അക്രമിക്കുകയായിരുന്നു. ക്രിക്കറ്റ് ബാറ്റ്, ഇരുമ്പ് വടി എന്നിവകൊണ്ട് അക്രമിച്ചുവെന്നാണ് കേസ്. കേസില്‍ ഒരാള്‍ കൂടി പിടിയിലാകാനുണ്ടെന്ന് പോലീസ് പറഞ്ഞു.