ആലപ്പുഴ: സിപിഐഎം സംസ്ഥാന സെക്രട്ടറി എം വി ഗോവിന്ദനെ കടന്നാക്രമിച്ച് ജി സുധാകരന് എംഎല്എ. എം വി ഗോവിന്ദന് പ്രായോഗികമായും സെെദ്ധാന്തികമായും വര്ഗവഞ്ചകന് ആണെന്നും സിപിഐഎം സംസ്ഥാന സെക്രട്ടറി സ്ഥാനത്തിരിക്കാന് യോഗ്യനല്ലെന്നും ജി സുധാകരന് തുറന്നടിച്ചു. ജി സുധാകരന് വര്ഗവഞ്ചകനാണെന്ന എം വി ഗോവിന്ദന്റെ പരാമര്ശത്തിലാണ് കടുത്ത ഭാഷയില് മറുപടി നല്കിയിരിക്കുന്നത്. വി കുഞ്ഞികൃഷ്ണനെയും ടി കെ ഗോവിന്ദനെയും പരാമര്ശിച്ചുള്ള എം വി ജയരാജന്റെ പ്രസ്താവയിലേക്ക് തന്റെ പേര് പറയേണ്ട യാതൊരു കാര്യവും എം വി ഗോവിന്ദന് ഉണ്ടായിരുന്നില്ലെന്നും ഗോവിന്ദന്റെ രാഷ്ട്രീയ വകതിരിവുകേട് ആണ് അതെന്നും ജി സുധാകരന് പറഞ്ഞു. വര്ഗം എന്താണെന്നും വര്ഗവഞ്ചകന് എന്താണെന്നും ഗോവിന്ദന് അറിയില്ല. സൈദ്ധാന്തികന് എന്ന അടിസ്ഥാനമില്ലാത്ത ലേബല് മാത്രമാണുള്ളത്. സിപിഐഎം സംസ്ഥാന സെക്രട്ടറി സ്ഥാനത്തിരിക്കാന് അദ്ദേഹം യോഗ്യനല്ല. ഒന്നുകില് ഒഴിയണം അല്ലെങ്കില് സിപിഐഎം പുറത്താക്കണം എന്നും ജി സുധാകരന് പറഞ്ഞു.
Post a Comment
0 Comments