സംസ്ഥാനത്ത് തീവ്ര വോട്ടര്പട്ടിക പരിഷ്കരണത്തിന്റെ (എസ്ഐആര്) ഭാഗമായി അന്തിമ വോട്ടര്പട്ടിക നാളെ പ്രസിദ്ധീകരിക്കുമെന്ന് മുഖ്യ തെരഞ്ഞെടുപ്പ് ഓഫീസര് രത്തന് ഖേല്ക്കര് പറഞ്ഞു. 53,229 പേരാണ് അന്തിമ പട്ടികയില് ഒഴിവാക്കപ്പെടുക. മരണപ്പെട്ടവര്, വിദേശ പൗരത്വം സ്വീകരിച്ചര് എന്നിവര് ഉള്പ്പെടെയാണ് ഒഴിവാക്കുന്നതെന്നും അദ്ദേഹം പറഞ്ഞു. ആകെ 2,69,53,644 വോട്ടര്മാരാണ് പുതിയ പട്ടികയിലുണ്ടാവുക. പുരുഷന്മാര്- 1,31,26,048, സ്ത്രീകള്- 1,38,27,319, ട്രാന്സ്ജെന്ഡര്മാര്- 277, പ്രവാസികള്- 2,23,558 എന്നിങ്ങനെയാണ് പട്ടികയിലുള്പ്പെട്ടവരുടെ കണക്ക്. 4,24,518 പുതിയ വോട്ടര്മാരും അന്തിമ പട്ടികയിലുണ്ടാകും. ഡിസംബറിലാണ് എസ്ഐആര് കരട് പട്ടിക സംസ്ഥാനത്ത് പ്രസിദ്ധീകരിച്ചത്. കരട് വോട്ടര് പട്ടികയിന്മേല് പരാതികള് സ്വീകരിക്കുകയും ഹിയറിങ് നടപടികള് പൂര്ത്തിയാക്കിയതിനും ശേഷമാണ് അന്തിമ പട്ടിക തയാറാക്കിയത്.
Post a Comment
0 Comments