രാജ്യതലസ്ഥാനത്ത് ചെങ്കോട്ടയ്ക്ക് സമീപത്തുണ്ടായ സ്ഫോടനത്തില് ഒരു ഡോക്ടര് കൂടി പിടിയില്. റയീസ് അഹമ്മദ് എന്ന സര്ജനാണ് പിടിയിലായത്. പത്താന്കോട്ടില് നിന്നാണ് സര്ജനായ റയീസ് അഹമ്മദിനെ പിടികൂടിയത്. പലതവണ അല്ഫല യൂണിവേഴ്സിറ്റിയിലേക്ക് ഇയാള് വിളിച്ചതായാണ് വിവരം. ഹരിയാനയില് നൂഹിലടക്കം വിവിധയിടങ്ങളില് സ്ഫോടനവുമായി ബന്ധപ്പെട്ട് പൊലീസ് പരിശോധന നടത്തുകയാണ്.
ഭീകര പ്രവര്ത്തനത്തില് ഏര്പ്പെട്ട ഡോക്ടര്മാരുടെ രജിസ്ട്രേഷന് നാഷണല് മെഡിക്കല് കമ്മീഷന് റദ്ദാക്കി. ചെങ്കോട്ടയ്ക്ക് മുന്നിലുണ്ടായ സ്ഫോടനവുമായി ബന്ധപ്പെട്ട് അറസ്റ്റിലായ 4 ഡോക്ടര്മാരുടെ റജിസ്ട്രേഷനാണ് ദേശീയ മെഡിക്കല് കമ്മിഷന് (എന്എംസി) റദ്ദാക്കിയത്. ഡോക്ടര്മാരായ മുസാഫര് അഹമ്മദ്, അദീല് അഹമ്മദ് റാത്തര്, മുസാമില് ഷക്കീല്, ഷഹീന് സയീദ് എന്നിവരുടെ ഇന്ത്യന് മെഡിക്കല് റജിസ്റ്റര് (ഐഎംആര്), നാഷനല് മെഡിക്കല് റജിസ്റ്റര് (എന്എംആര്) എന്നിവയാണ് റദ്ദാക്കിയത്. ഇവര്ക്ക് ഇന്ത്യയില് ഒരിടത്തും ഇനി ചികിത്സ നടത്താനോ ഏതെങ്കിലും മെഡിക്കല് പദവി വഹിക്കാനോ കഴിയില്ല. അന്വേഷണ ഏജന്സികള് ശേഖരിച്ച തെളിവുകളുടെ അടിസ്ഥാനത്തിലാണ് നടപടി. ഇവര്ക്ക് ഭീകര സംഘടനകളുമായി ബന്ധമുണ്ടെന്ന് കണ്ടെത്തിയതായി എന്എംസിയുടെ ഉത്തരവില് പറയുന്നു.
Post a Comment
0 Comments