ഖത്തറിന് പിന്നാലെ യെമനിലും ഇസ്രയേല് ആക്രമണം. യെമന് തലസ്ഥാനമായ സനായിലാണ് ഇസ്രായേൽ ബോംബാക്രമണം നടത്തിയത്. ആക്രമണത്തിൽ 35പേര് കൊല്ലപ്പെട്ടു. 130 പേര്ക്ക് പരിക്കേൽക്കുകയും ചെയ്തിട്ടുണ്ട്. അതേസമയം സനായിലെയും അല് ജാഫിലെയും ഹൂത്തി സൈനിക കേന്ദ്രങ്ങളെ ലക്ഷ്യം വച്ചാണ് ആക്രമണങ്ങള് നടത്തിയതെന്ന് ഇസ്രായേല് സൈന്യം പ്രതികരിച്ചു. ഹൂതികളുടെ പിആര് ഡിപ്പാര്ട്ട്മെന്റും ഇന്ധന സംഭരണ കേന്ദ്രവും തകര്ത്തുവെന്നും ഇസ്രായേൽ അവകാശവാദം ഉന്നയിച്ചു.
വടക്കന് പ്രവിശ്യയായ അല് ജൗഫിലാണ് ആക്രമണം നടന്നത്. ഹൂതികളുടെ സൈനികകേന്ദ്രങ്ങളില് ആക്രമണം നടത്തിയതായി ഇസ്രയേല് സ്ഥിരീകരിച്ചു. ഹൂതി കേന്ദ്രങ്ങള് മാത്രമാണ് ലക്ഷ്യമിട്ടതെന്നാണ് ഇസ്രയേല് വാദമെങ്കിലും റെസിഡന്ഷ്യല് ഏരികളില് ആക്രമണം നടന്നതായും സാധാരണക്കാര് ഉള്പ്പെടെ കൊല്ലപ്പെട്ടതായും യെമന് ഭരണകൂടം ആരോപണം ഉന്നയിക്കുന്നുണ്ട്.
Post a Comment
0 Comments