പണവും സ്വര്‍ണവും തിരികെ ചോദിച്ചു; യുവാവിനെ മര്‍ദ്ദിച്ച് അവശനാക്കി വിഷം കുടിപ്പിച്ചു; ഒപ്പം താമസിച്ചിരുന്ന യുവതിയും കൂട്ടാളികളും ഒളിവില്‍

ഉത്തര്‍പ്രദേശില്‍ യുവാവിനെ ഒപ്പം താമസിച്ചിരുന്ന യുവതിയും കൂട്ടാളികളും ചേര്‍ന്ന് മര്‍ദ്ദിച്ച് അവശനാക്കിയ ശേഷം ബലംപ്രയോഗിച്ച് വിഷം കുടിപ്പിച്ചെന്ന് പരാതി. ഉത്തര്‍പ്രദേശിലെ മഹോബയില്‍ ഹാമിര്‍പൂര്‍ സ്വദേശിയായ ശൈലേന്ദ്ര ഗുപ്തയ്ക്ക് നേരെ ആണ് വധശ്രമമുണ്ടായത്. കഴിഞ്ഞ ദിവസമായിരുന്നു സംഭവം.

സ്വകാര്യ കമ്പനിയില്‍ മെഡിക്കല്‍ റെപ്രസന്റേറ്റീവായി ജോലി നോക്കുകയായിരുന്നു ശൈലേന്ദ്ര ഗുപ്ത. നാല് വര്‍ഷം മുമ്പാണ് കാലിപഹാരി സ്വദേശിനിയായ യുവതിയുമായി യുവാവ് പരിചയത്തിലാവുന്നത്. തുടര്‍ന്ന് ഇരുവരും ഒരുമിച്ച് താമസിച്ച് വരികയായിരുന്നു. ലിവിങ് ടുഗദര്‍ ബന്ധത്തിനിടെ ശൈലേന്ദ്ര പെണ്‍സുഹൃത്തിന് വിലയേറിയ ആഭരണങ്ങളും നാല് ലക്ഷം രൂപയും നല്‍കിയിരുന്നു.