Type Here to Get Search Results !

Bottom Ad

കുമ്പോല്‍ മഖാം ഉറൂസ് ജനുവരി 16 മുതല്‍ 26 വരെ


കുമ്പള: വടക്കേ മലബാറിലെ പുരാതന പള്ളികളിലൊന്നായ കുമ്പോല്‍ വലിയ ജമാഅത്ത് പള്ളി അങ്കണത്തില്‍ അന്ത്യവിശ്രമം കൊള്ളുന്ന സയ്യിദ് അറബി വലിയുല്ലാഹി (റ) അവര്‍കളുടെ പേരില്‍ അഞ്ചു വര്‍ഷത്തിലൊരിക്കല്‍ നടത്തി വരാറുള്ള കുമ്പോല്‍ മഖാം ഉറൂസ് ജനുവരി 16 മുതല്‍ 26 വരെ വിവിധങ്ങളായ പരിപാടികളോടെ നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. പത്തു ദിവസങ്ങളിലായി നടക്കുന്ന പരിപാടിയില്‍ പ്രഗത്ഭരായ പണ്ഡിതന്മാരും സാദാത്തീങ്ങളും പ്രഭാഷകരും രാഷ്ട്രീയ സാമൂഹിക സാംസ്‌കാരിക മേഖലകളിലെ പ്രമുഖരും സംബഡിക്കും. വിവിധ ദിവസങ്ങളില്‍ മജ്ലിസുന്നൂര്‍, മദനീയം, ഇശ്ഖേ റസൂല്‍ എന്നീ ആത്മീയ സദസുകള്‍ നടക്കും. സൗജന്യ മെഡിക്കല്‍ ക്യാമ്പ്, ആരോഗ്യ ബോധവത്കരണം, മഹല്ല് പ്രതിനിധി സംഗമം, വിദ്യാര്‍ഥി യുവജന സംഗമം, വനിത സംഗമം, ചരിത്ര സെമിനാര്‍, കുമ്പോല്‍ ഉസ്താദ് പി.എ അഹമദ് മുസ്ലിയാര്‍ അനുസ്മരണവും ദര്‍സ് പൂര്‍വ വിദ്യാര്‍ഥി സംഗമം,ബുര്‍ദ പാരായണ മത്സരം, പ്രവാസി സംഗമം, ഹിഫ്‌ള് സനദ് ദാനം എന്നിവ ഉറൂസിന്റെ ഭാഗമായി നടക്കും.

16ന് രാവിലെ 10 മണിക്ക് മഖാം സിയാറത്തിന് സയ്യിദ് അതാഉള്ള തങ്ങള്‍ ഉദ്യാവരം നേതൃത്വം നല്‍കും. തുടര്‍ന്ന് ഉറൂസ് കമ്മിറ്റി ചെയര്‍മാന്‍ എം. അബ്ബാസ് പതാക ഉയര്‍ത്തും. രാത്രി 8ന് പാണക്കാട് സയ്യിദ് അബ്ബാസ് അലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ അധ്യക്ഷനാകും. സയ്യിദ് കെ.എസ് ആറ്റക്കോയ തങ്ങള്‍ കുമ്പോല്‍ പ്രാര്‍ത്ഥന നടത്തും. കുമ്പോല്‍ സയ്യിദ് ഉമര്‍ കുഞ്ഞിക്കോയ തങ്ങള്‍ വിശിഷ്ട അതിഥിയാകും. കീച്ചേരി അബ്ദുല്‍ ഗഫൂര്‍ മൗലവി മുഖ്യ പ്രഭാഷണം നടത്തും. തുടര്‍ന്നുള്ള ദിവസങ്ങളില്‍ സയ്യിദ് മുഹമ്മദ് മദനി തങ്ങള്‍ മൊഗ്രാല്‍,അബ്ദുല്‍ സലാം മുസ്ലിയാര്‍ ദേവര്‍ശോല, സയ്യിദ് ജഹ്ഫര്‍ സ്വാദിഖ് തങ്ങള്‍ കുമ്പോല്‍,മുഹമ്മദ് ഹനീഫ് നിസാമി അല്‍മുര്‍ഷിദി,ശൈഖുനാ യൂ എം അബ്ദുല്‍ റഹ്മാന്‍ മുസ്ലിയാര്‍, അന്‍വര്‍ മുഹ്യദ്ദീന്‍ ഹുദവി ആലുവ,സയ്യിദ് കെ എസ് അലി തങ്ങള്‍ കുമ്പോല്‍,കുമ്മനം നിസാമുദ്ദീന്‍ അസ്ഹരി, സയ്യിദ് ശിഹാബുദ്ദീന്‍ തങ്ങള്‍ അല്‍ഹൈദ്രോസി എരുമാട്, നൗഫല്‍ സഖാഫി കളസ, സയ്യിദ് അബ്ദുല്‍ റഹ്മാന്‍ ഇമ്പിച്ചി കോയ തങ്ങള്‍ ബായാര്‍, പേരോട് അബ്ദുല്‍ റഹ്മാന്‍ സഖാഫി തുടങ്ങിയ സാദാത്തുക്കളും പണ്ഡിതന്മാരും മതപ്രഭാഷണ പരിപാടികളില്‍ സംബന്ധിക്കും. 17ന് വൈകിട്ട് മൂന്നിന് മഹല്ല് പ്രതിനിധി സംഗമം അബ്ദുല്‍ മജീദ് ബഖവി ഉദ്ഘാടനം ചെയ്യും. അഡ്വ. വി.എം ജമാല്‍ മുഖ്യപ്രഭാഷണം നടത്തും.

18ന് രാവിലെ 10ന് സൗജന്യ മെഡിക്കല്‍ ക്യാംപും ബോധവത്കര ക്ലാസും ജില്ലാ പഞ്ചായത്ത് വൈസ് പ്രസിഡന്റ് ഷാനവാസ് പാദൂര്‍ ഉദ്ഘാടനം ചെയ്യും.കുമ്പള സി.എച്ച്.സി ഹെല്‍ത്ത് സൂപ്പര്‍വൈസര്‍ ടെന്നിസണ്‍ തോമസ് പ്രഭാഷണം നടത്തും.വൈകിട്ട് 3.30ന് ചരിത്ര സെമിനാര്‍ രാജ് മോഹന്‍ ഉണ്ണിത്താന്‍ എം.പി ഉദ്ഘാടനം ചെയ്യും. ശുഹൈബുല്‍ ഹൈത്തമി മുഖ്യ പ്രഭാഷണം നടത്തും. 19ന് ഉച്ചയ്ക്ക് മൂന്നിന് വിദ്യാര്‍ഥി യുവജന സംഗമം കണ്ണൂര്‍ യൂണിവേഴ്‌സിറ്റി മുന്‍ വൈസ്ചാന്‍സിലര്‍ ഡോ ഖാദര്‍ മാങ്ങാട് ഉദ്ഘാടനം ചെയ്യും. അനസ് അമാനി പുഷ്പഗിരി പ്രഭാഷണം നടത്തും. കുമ്പള സി.ഐ കെ.പി വിനോദ്കുമാര്‍ മുഖ്യാതിഥിയാകും. വൈകിട്ട് 6.30ന് മജ്ലിസുന്നൂര്‍ ആത്മീയ സദസിന് സയ്യിദ് സൈനുല്‍ ആബിദീന്‍ തങ്ങള്‍ അല്‍ബുഖാരി കുന്നുങ്കൈ നേതൃത്വം നല്‍കും. 20ന് 10 മണിക്ക് വനിത സംഗമം നടക്കും. ഇമാം ഷാഫി ഇസ് ലാമിക് അക്കാദമി ഷീ കാംപസ് പ്രന്‍സിപ്പല്‍ നസീല നേതൃത്വം നല്‍കും.രാത്രി 8 ന് മദനീയം ആത്മീയ സദസിന് അബ്ദുല്‍ ലത്തീഫ് സഖാഫി കാന്തപുരം നേതൃത്വം നല്‍കും.സയ്യിദ് മുനീറുല്‍ അഹ്ദല്‍ തങ്ങള്‍ പ്രാര്‍ത്ഥന നടത്തും.

21ന് രാവിലെ 11 മണിക്ക് കുമ്പോല്‍ ഉസ്താദ് അനുസ്മരണവും ദര്‍സ് പൂര്‍വ വിദ്യാര്‍ഥി സംഗമവും സയ്യിദ് പൂക്കുഞ്ഞി തങ്ങള്‍ ഉദ്യാവര്‍ ഉദ്ഘാടനം ചെയ്യും.മുദരിസ് അബ്ദുല്‍ റസാഖ് ഫൈസി അല്‍മുര്‍ഷിദി അധ്യക്ഷനാകും. പള്ളങ്കോട് അബ്ദുല്‍ ഖാദര്‍ മദനി അനുസ്മരണ പ്രഭാഷണം നടത്തും. 22ന് ഉച്ചക്ക് 3ന് ബുര്‍ദ പാരായണ മത്സരം ബി.കെ അബ്ദുല്‍ ഖാദര്‍ അല്‍ഖാസിമി ഉദ്ഘാടനം ചെയ്യും. 23ന് ഉച്ചയ്ക്ക് 3 മണിക്ക് പൂര്‍വ വിദ്യാര്‍ഥി സംഗമം ബ്ലോക്ക് പഞ്ചായത്ത് സ്ഥിരം സമിതി അധ്യക്ഷന്‍ അഷ്റഫ് കര്‍ള ഉദ്ഘടനം ചെയ്യും. 6.30ന് ഇശ്ഖേ റസൂല്‍ ആത്മീയ സദസിന് അന്‍വര്‍ അലി ഹുദവി മലപ്പുറം നേതൃത്വം നല്‍കും.യഹ്യ തങ്ങള്‍ അല്‍ ഹാദി പ്രാര്‍ഥന നടത്തും.

24ന് ഉച്ചയ്ക്ക് 2ന് പ്രവാസി സംഗമം എ.കെ.എം അഷ്റഫ് എം.എല്‍.എ ഉദ്ഘാടനം ചെയ്യും. അഡ്വ ഹനീഫ് ഹുദവി ദേലംപാടി മുഖ്യപ്രഭാഷണം നടത്തും. 25ന് രാത്രി 8മണിക്ക് സമാപന സമ്മേളന ഉദ്ഘാടനവും ഹിഫ്‌ള് സനദ്ദാനവും സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ നിര്‍വഹിക്കും. കുമ്പോല്‍ സയ്യിദ് ഉമര്‍ കുഞ്ഞിക്കോയ തങ്ങള്‍ മുഖ്യാതിഥിയാകും. എന്‍.പി.എം സയ്യിദ് ഷറഫുദ്ദീന്‍ തങ്ങള്‍ റബ്ബാനി പ്രാര്‍ത്ഥന നടത്തും. ജമാഅത്ത് പ്രസിഡന്റ് ഹാജി പി.കെ മുസ്തഫ അധ്യക്ഷനാകും. സിറാജുദ്ദീന്‍ ഖാസിമി പത്തനാപുരം മുഖ്യ പ്രഭാഷണം നടത്തും. സയ്യിദ് ഹാദി തങ്ങള്‍, അബ്ദുല്‍ റസാഖ് അബ്രാരി, ഉമര്‍ ഹുദവി പുളപ്പാടം,ഹസ്സന്‍ ദാരിമി,മുഹമ്മദ് ഷാഫി സഅദി, ജുനൈദ് അംജദി അല്‍ ഹുമൈദി,മുഹമ്മദ് ഷുഹൈല്‍ ഫൈസി,അബ്ദുല്‍ റസാഖ് അസ്ഹരി പാത്തൂര്‍, അബ്ദുല്‍ റസാഖ് ഫൈസി അല്‍ മുര്‍ഷിദി, ഹാഫിള് ഗുല്‍ഫറാസ് അന്‍സാരി,ഹാഫിള് സുബൈര്‍ അശ്റഫി സംസാരിക്കും. 26ന് രാവിലെ 7 മണിക്ക് മൗലീദ് സദസും തുടര്‍ന്ന് അന്നദാനവും നടക്കും ഒരുക്കങ്ങള്‍ പൂര്‍ത്തിയായതായും ജമാഅത്ത് പ്രസിഡന്റ് പി.കെ മുസ്തഫ ഹാജി, ജനറല്‍ സെക്രട്ടറി എ.മുഹമ്മദ് കുഞ്ഞി, ട്രഷറര്‍ ഹുസൈന്‍ ദര്‍വേഷ്, ഉറൂസ് കമ്മിറ്റി ചെയര്‍മാന്‍ എം. അബ്ബാസ്, ജന.കണ്‍വീനര്‍ കെ.പി ശാഹുല്‍ ഹമീദ്, ട്രഷറര്‍ മുഹമ്മദ് ഹാജി കോരികണ്ടം, ബി.എ റഹ്മാന്‍ ആരിക്കാടി, അഷ്റഫ് സഅദി, എ.കെ ആരിഫ് എന്നിവര്‍ വാര്‍ത്താ സമ്മേളനത്തില്‍ അറിയിച്ചു.
Tags

Post a Comment

0 Comments

Top Post Ad

Below Post Ad