കാസര്കോട്: കിടപ്പുമുറിയില് പ്രത്യേക അറ ഉണ്ടാക്കി കര്ണാടക മദ്യം സൂക്ഷിച്ച യുവാവ് അറസ്റ്റില്. കാസര്കോട് നുള്ളിപ്പാടി സ്വദേശി എന് ഹരിപ്രസാദ്(31) ആണ് എക്സൈസിന്റെ പിടിയിലായത്. അറയില് നിന്നും 180 മില്ലി ലിറ്ററിന്റെ 76 ടെട്രാ പാക്കറ്റ് കര്ണാടക നിര്മ്മിത വിദേശ മദ്യം കണ്ടെത്തി. രഹസ്യ വിവരത്തെ തുടര്ന്ന് തിങ്കളാഴ്ച വൈകുന്നേരം ആറുമണിയോടെ കാസര്കോട് എക്സൈസ് സ്പെഷല് സ്ക്വാഡിലെ അസിസ്റ്റന്റ് എക്സൈസ് ഇന്സ്പെക്ടര് ഗ്രേഡ് സി കെ വി സുരേഷും സംഘം നടത്തിയ വീട് പരിശോധനയിലാണ് മദ്യശേഖരം കണ്ടെത്തിയത്. മുന് അബ്കാരി കേസിലെ പ്രതിയാണ് ഹരിപ്രസാദ്.
വീടിന്റെ വടക്ക് കിഴക്കേ മൂലയിലുള്ള കിടപ്പുമുറിയുടെ തറയില് രഹസ്യ അറയുണ്ടാക്കി 12.96 ലിറ്റര് മദ്യം സൂക്ഷിച്ചു വച്ചിരിക്കുകയായിരുന്നു. പ്രദേശത്ത് അനധികൃതമായി മദ്യ വില്പന നടത്തുന്നത് സംബന്ധിച്ച് എക്സൈസും പൊലീസിനും നാട്ടുകാരുടെ പരാതിയുണ്ടായിരുന്നു. തൊണ്ടി സാധനങ്ങള് കസ്റ്റഡിയിലെടുത്ത് പ്രതിക്കെതിരെ ഒരു അബ്കാരി കേസെടുത്തു. കേസ് രേഖകളും തൊണ്ടി മുതലുകളും പ്രതിയെയും തുടര് നടപടികള്ക്കായി കാസര്കോട് എക്സൈസ് റെഞ്ച് ഓഫീസില് ഹാജരാക്കി. സിവില് എക്സൈസ് ഉദ്യോഗസ്ഥരായ സതീശന് കെ മഞ്ജുനാഥന്, വി രാജേഷ്, അശ്വതി വി, സജീഷ് എന്നിവരും പരിശോധനയില് പങ്കെടുത്തു.
Post a Comment
0 Comments