കുമ്പള: കാറില് സൂക്ഷിച്ച വടിവാളുകളുമായി കര്ണാടക സ്വദേശിയായ യുവാവ് അറസ്റ്റില്. കര്ണാടക ബണ്ട്വാള് സ്വദേശി ആദിയ ജോസ്കിം കാസ്റ്റിലിനോ(32) ആണ് കുമ്പള പൊലീസിന്റെ പിടിയിലായത്. പുലര്ച്ചെ അഞ്ചു മണിയോടെ കുമ്പള സ്റ്റേഷന് ഹൗസ് ഓഫീസര് കെ.പി വിനോദ് കുമാര്, എസ്.ഐ ശ്രീജേഷ് എന്നിവരുടെ നേതൃത്വത്തില് രാത്രികാല പരിശോധന നടത്തുന്നതിനിടെ പെര്മുദെ റോഡില് ഗോളിയടക്കയില് വച്ചാണ് സംശയ സാഹചര്യത്തില് കണ്ട കാര് പൊലീസ് പരിശോധിച്ചത്. പൊലീസ് പരിശോധിക്കാനായി കാറിനരികില് എത്തുന്നതിനിടെ കാര് ഓടിച്ചുപോകുകയും തുടര്ന്ന് പൊലീസ് പിന്തുടര്ന്ന് ജീപ്പ് കുറുകെയിട്ട് പ്രതിയെ പിടികൂടുകയുമായിരുന്നു. കാറിനകത്ത് നിന്ന് രണ്ടു വടിവാളുകള് കണ്ടെത്തി.
Post a Comment
0 Comments