സ്വര്‍ണം കുതിക്കുന്നു കയ്യെത്താ ദൂരത്തേക്ക്

സ്വര്‍ണം വീണ്ടും കുതിപ്പില്‍. തുടര്‍ച്ചയായ വന്‍കുതിപ്പില്‍ സംസ്ഥാനത്ത് സ്വര്‍ണം പവന്‍ വില 640 രൂപ വര്‍ധിച്ച് 58,280 രൂപയിലെത്തി. സ്വര്‍ണം ഗ്രാമിന് വില 80 രൂപ ഉയര്‍ന്ന് 7,285 രൂപയുമായി. ഈ ആഴ്ചയില്‍ മാത്രമായി 1,360 രൂപയാണ് സ്വര്‍ണത്തിന് വര്‍ദ്ധിച്ചത്. തുടര്‍ച്ചയായ വിലവര്‍ദ്ധന നിക്ഷേപമെന്ന നിലയില്‍ സ്വര്‍ണത്തിന് വലിയ പ്രതീക്ഷ നല്‍കുന്നുണ്ട്.

യുവാക്കള്‍ക്കിടയില്‍ ട്രെന്റിംഗായ ലൈറ്റ് വെയ്റ്റ് ആഭരണങ്ങള്‍ നിര്‍മ്മിക്കാനുപയോഗിക്കുന്ന 18 കാരറ്റ് സ്വര്‍ണത്തിനും വില വര്‍ദ്ധിച്ചിട്ടുണ്ട്. ഗ്രാമിന് 65 രൂപ ഉയര്‍ന്ന് 6,015 രൂപയാണ് 18 കാരറ്റ് സ്വര്‍ണത്തിന് വില. ഇതോടെ 18 കാരറ്റ് സ്വര്‍ണത്തിന് വില 48,120 രൂപയായി ഉയര്‍ന്നു. അന്താരാഷ്ട്ര വിപണിയിലും സ്വര്‍ണത്തിന് വില വര്‍ദ്ധിച്ചിട്ടുണ്ട്.