സംസ്ഥാനത്തെ എച്ച്ഐവി രോഗബാധിതരായ വിദ്യാര്ത്ഥികളുടെ ഞെട്ടിക്കുന്ന കണക്ക് വെളിപ്പെടുത്തി ത്രിപുര സ്റ്റേറ്റ് എയ്ഡ്സ് കണ്ട്രോള് സൊസൈറ്റി. സംസ്ഥാനത്ത് 828 വിദ്യാര്ത്ഥികളാണ് രോഗബാധിതരായി ഉണ്ടായിരുന്നത്. ഇതില് 47 വിദ്യാര്ത്ഥികള് രോഗം ബാധിച്ച് മരിച്ചെന്നും 572 പേര് രോഗബാധിതരായി തുടരുന്നെന്നും ടിഎസ്എസിഎസ് വ്യക്തമാക്കി.
സംസ്ഥാനത്തിന് പുറത്തേയ്ക്ക് രാജ്യത്തിന്റെ വിവിധ ഭാഗങ്ങളിലേക്ക് പഠനത്തിനായി പോയ വിദ്യാര്ത്ഥികളാണ് രോഗബാധിതരില് ഏറെയും. അതേസമയം വിദ്യാര്ത്ഥികളില് വ്യാപകമായി എച്ച്ഐവി രോഗം പടര്ന്നതിന് കാരണം മയക്കുമരുന്നിന്റെ ഉപയോഗമാണെന്നും ടിഎസ്എസിഎസ് വ്യക്തമാക്കി.
കുത്തിവയ്പ്പിലൂടെയുള്ള മയക്കുമരുന്ന് ഉപയോഗമാണ് വിദ്യാര്ത്ഥികളില് വ്യാപകമായ എച്ച്ഐവി ബാധയ്ക്ക് കാരണമെന്ന് ത്രിപുര സ്റ്റേറ്റ് എയ്ഡ്സ് കണ്ട്രോള് സൊസൈറ്റി അറിയിച്ചു. ടിഎസ്എസിഎസിന്റെ റിപ്പോര്ട്ട് അനുസരിച്ച് 220 സ്കൂളുകളില് നിന്നും 24 കോളേജുകളില് നിന്നുമുള്ള വിദ്യാര്ത്ഥികളാണ് മയക്കുമരുന്ന് ഉപയോഗത്തിലൂടെ രോഗബാധിതരായത്.
Post a Comment
0 Comments