കേരളത്തില്‍ വീണ്ടും കരുതല്‍കേന്ദ്രങ്ങള്‍ ഒരുങ്ങുന്നു; സാമൂഹ്യനീതി വകുപ്പ് പുനര്‍വിജ്ഞാപനം പുറത്തിറക്കി

(www.evisionnews.co) കേ​ന്ദ്ര നി​ർ​ദേ​ശ​മ​നു​സ​രി​ച്ച്​ കേ​ര​ള​ത്തി​ൽ ഡിറ്റെന്‍ഷന്‍ സെന്റര്‍ (കരുതല്‍ കേന്ദ്രം) നി​ർ​മ്മിക്കാ​ൻ സം​സ്ഥാ​ന സ​ർ​ക്കാ​ർ വീ​ണ്ടും ന​ട​പ​ടി ആ​രം​ഭി​ച്ചു. അനധികൃതമായി രാജ്യത്ത് പ്രവേശിക്കുന്ന വിദേശികളെയും, പാസ്‌പോര്‍ട്ട് / വിസ കാലാവധി തീര്‍ന്ന ശേഷവും അനധികൃതമായി രാജ്യത്ത് തുടരുന്ന വിദേശികളെയും നിരീക്ഷണത്തില്‍ പാര്‍പ്പിക്കാന്‍ തി​രു​വ​ന​ന്ത​പു​ര​ത്തും തൃ​ശൂ​രും ത​ട​ങ്ക​ൽ​പാ​ള​യ​ങ്ങ​ൾ ആ​രം​ഭി​ക്കാ​നാണ് സാ​മൂ​ഹി​ക സു​ര​ക്ഷാ വ​കു​പ്പ്​ ഡ​യ​റ​ക്​​ട​ർ പു​ന​ർ​വി​ജ്ഞാ​പ​നം പുറപ്പെടുവിച്ചിരിക്കുന്നത്.

കഴിഞ്ഞ സര്‍ക്കാരിന്റെ കാലത്ത് നിര്‍ത്തിവെച്ച നടപടിയാണ് വീണ്ടും തുടങ്ങുന്നത്. ദേശീയ ജനസംഖ്യാ രജിസ്റ്റര്‍ (എന്‍ആര്‍സി), പൗരത്വ ഭേദഗതി (സിഎഎ) നിയമങ്ങള്‍ രാജ്യത്ത് നടപ്പാക്കാന്‍ തീരുമാനിച്ചതിന് പിന്നാലെ നേരത്തെ ഇത്തരം ഡിറ്റെന്‍ഷന്‍ സെന്ററുകള്‍ സ്ഥാപിക്കാനുള്ള നീക്കം സംസ്ഥാനത്ത് വിവാദത്തിന് ഇടയാക്കിയിരുന്നു. അന്ന് നിര്‍ത്തിവെച്ച നടപടികളാണ് ഇപ്പോള്‍ വീണ്ടും തുടങ്ങുന്നത്.

ഒ​രു സ​മ​യം പ​ര​മാ​വ​ധി 10 പേ​ർ​ക്ക്​ താ​മ​സി​ക്കാ​വു​ന്ന ഡി​റ്റ​ൻ​ഷ​ൻ സെൻറ​റാ​ണ്​ ര​ണ്ട്​ ജി​ല്ല​ക​ളി​ലും ആ​രം​ഭി​ക്കു​ന്ന​ത്. ഡിറ്റെന്‍ഷന്‍ കേന്ദ്രങ്ങള്‍ തുടങ്ങുന്നതിന് സന്നദ്ധ സംഘടനകളുടെ സഹായം തേടിയിരിക്കുകയാണ് സാമൂഹ്യനീതി വകുപ്പ്. താ​ത്പ​ര്യ​മു​ള്ള സം​ഘ​ട​ന​ക​ൾ ഈ ​ജൂ​ൺ 15ന്​ ​വൈ​കീ​ട്ട്​ അ​ഞ്ചി​നു​ മു​മ്പ്​​ വി​ശ​ദ നി​ർ​ദേ​ശം ലഭ്യമാ​ക്കാ​നും ഡ​യ​റ​ക്​​ട​ർ നി​ർ​ദേ​ശി​ക്കു​ന്നു. അ​ടി​സ്ഥാ​ന സൗ​ക​ര്യ​ത്തി​നു​ പു​റ​മെ സി.സി.​ടി.​വി, മു​ള്ളു​വേ​ലി​യ​ട​ക്കം ത​ട​ങ്ക​ൽ​പാ​ള​യ​ത്തി​ന്​ ഏ​ർ​പ്പെ​ടു​ത്തും. സം​സ്ഥാ​ന പൊ​ലീ​സി​നാ​കും സു​ര​ക്ഷ. തൃ​ശൂ​ർ പൂ​ങ്കു​ന്ന​ത്ത് ഡി​റ്റ​ൻ​ഷ​ൻ സെൻറ​ർ പ്ര​വ​ർ​ത്ത​നം തുട​ങ്ങി.

നിയമ ലംഘനങ്ങളുടെ പേരില്‍ ശിക്ഷിക്കപ്പെട്ട് കാലാവധി പൂര്‍ത്തിയാക്കി തിരികെ തങ്ങളുടെ രാജ്യത്തേക്ക് തിരിച്ച് പോവുന്നതിനുള്ള നിയമ നടപടി കാത്തിരിക്കുന്ന വിദേശികള്‍ രാജ്യം വിടുന്ന വരെ നിരീക്ഷണത്തില്‍ പാര്‍പ്പിക്കാനാണ് കേന്ദ്രങ്ങള്‍ എന്നാണ് സാമൂഹ്യ നീതി വകുപ്പ് ഡിറ്റെന്‍ഷന്‍ കേന്ദ്രങ്ങള്‍ക്ക് നല്‍കുന്ന വിശദീകരണം.