മുംബൈ (www.evisionnews.co): കളിക്കാര്‍ക്കൊപ്പം അംപയര്‍മാരും ഐപിഎല്‍ വിടുന്നു. നിതിന്‍ മേനോന്‍, പോള്‍ റെയ്ഫല്‍ എന്നീ അംപയര്‍മാരാണ് കോവിഡ് വ്യാപനം മുന്‍നിര്‍ത്തി ഐ.പി.എല്‍ വിട്ടത്. നിതിന്‍ മേനോന്റെ അമ്മയും ഭാര്യയും കോവിഡ് പോസിറ്റിവായതിനെ തുടര്‍ന്നാണ് ഐ.പി.എല്‍ വിട്ടതെന്ന് ബി.സി.സി.ഐ അറിയിച്ചു. കോവിഡ് വ്യാപനത്തെ തുടര്‍ന്ന് ഇന്ത്യയില്‍ നിന്നുള്ള വിമാനങ്ങള്‍ ഓസ്ട്രേലിയ റദ്ദാക്കിയേക്കുമെന്ന ഭയം മൂലമാണ് റെയ്ഫല്‍ ടൂര്‍ണമെന്റില്‍ നിന്ന് പിന്മാറുന്നത്.
നേരത്തെ ആന്‍ഡ്ര്യൂ ടൈ, കെയ്ന്‍ റിച്ചാര്‍ഡ്സണ്‍, ആദം സാംപ, ലിയാം ലിവിംഗ്സ്റ്റണ്‍, ആര്‍. അശ്വിന്‍ തുടങ്ങിയവര്‍ ഐ.പി.എല്ലില്‍ നിന്ന് പിന്മാറിയിരുന്നു. തന്റെ കുടുംബം നിലവില്‍ കോവിഡ് 19നെതിരെ പോരാട്ടം നടത്തുകയാണെന്നും അവരെ പിന്തുണയ്ക്കാന്‍ ഒരു ബ്രേക്ക് അത്യാവശ്യമായത് കൊണ്ടാണ് പിന്‍മാറ്റമെന്നുമാണ് അശ്വിന്‍ അറിയിച്ചത്.
Post a Comment
0 Comments