ഉപ്പള (www.evisionnews.co): കോവിഡ് നെഗറ്റീവ് സര്‍ട്ടിഫിക്കറ്റിന്റെ പേരില്‍ കേരളത്തില്‍ നിന്നുള്ള യാത്രക്കാര്‍ക്ക് കേരള- കര്‍ണാടക അതിര്‍ത്തികളില്‍ വീണ്ടും നിയന്ത്രണങ്ങള്‍ ഏര്‍പ്പെടുത്താനുള്ള കര്‍ണാടക സര്‍ക്കാരിന്റെ നീക്കം ഉടന്‍ പിന്‍വലിച്ചില്ലെങ്കില്‍ അതിര്‍ത്തികളില്‍ ശക്തമായ പ്രതിഷേധ സമരങ്ങള്‍ക്ക് നേതൃത്വം നല്‍കുമെന്ന് മഞ്ചേശ്വരം എംഎല്‍എ എംസി ഖമറുദ്ദീന്‍ മുന്നറിയിപ്പ് നല്‍കി.
കര്‍ണാടയുടെ അതിര്‍ത്തി നിയന്ത്രണങ്ങള്‍ക്കെതിരെ കോണ്‍ഗ്രസ് നേതാവ് അഡ്വ: സുബ്ബയ്യറൈ ഹൈക്കോടതിയെ സമീപിച്ചപ്പോള്‍ കര്‍ണാടക സര്‍ക്കാരിനെതിരെ രൂക്ഷമായി വിമര്‍ശിച്ചിട്ടും വീണ്ടും നിയന്ത്രണങ്ങള്‍ ഏര്‍പ്പെടുത്തുന്നത് കേരള തെരഞ്ഞെടുപ്പ് വേളയിലുള്ള കേരളത്തിലെയും കര്‍ണാടകയിലെയും ബിജെപി നേതൃത്വങ്ങളുടെ ഗൂഢാലോചനയാണോ എന്നു സംശയിക്കുന്നതായും ഐക്യ ഭാരതത്തില്‍ ഒരു സംസ്ഥാനത്തു നിന്ന് മറ്റൊരു സംസ്ഥാനങ്ങളിലേക്കുള്ള യാത്രക്കാരെ വിലക്കേര്‍പ്പെടുത്തുന്നത് ഭരണഘടനാ വിരുദ്ധമാണെന്നും എംഎല്‍എ കൂട്ടിച്ചേര്‍ത്തു.
Post a Comment
0 Comments