കാഞ്ഞങ്ങാട് (www.evisionnews.co): ദേശീയ പാതയില്‍ നീലേശ്വരം കരുവാച്ചേരിയില്‍ കാര്‍ റോഡരികില്‍ ഇറക്കിവെച്ച കോണ്‍ക്രീറ്റ് ബീമിലിടിച്ചുണ്ടായ അപകടത്തില്‍ ഹെല്‍ത്ത് ഇന്‍സ്‌പെക്ടര്‍ മരിച്ചു. ബേഡകം താലൂക്ക് ആസ്പത്രിയിലെ ഹെല്‍ത്ത് ഇന്‍സ്‌പെക്ടര്‍ തൃശൂര്‍ ചേര്‍പ്പ് സ്വദേശി പോള്‍ മൊറാക്കി (50)യാണ് മരിച്ചത്. വെള്ളിയാഴ്ച ഉച്ചയ്ക്ക് രണ്ടു മണിയോടെയാണ് അപകടം.
ഇടിയുടെ ആഘാതത്തില്‍ കാറിന്റെ മുന്‍ഭാഗം പൂര്‍ണ്ണമായി തകര്‍ന്നു. ഇതേ ആസ്പത്രിയിലെ അസി. സര്‍ജന്‍ കോഴിക്കോട് സ്വദേശികളായ ഡോ. ദിനു, ജൂനിയര്‍ ഹെല്‍ത്ത് ഇന്‍സ്‌പെക്ടര്‍ പ്രദീപ്, ദിനുവിന്റെ കുടുംബാംഗങ്ങള്‍ എന്നിവരടക്കം ആറു പേരാണ് കാറിലുണ്ടായിരുന്നത്. ഇവര്‍ സഞ്ചരിച്ച കാര്‍ പളളിക്കര റെയില്‍ മേല്‍പാല നിര്‍മാണത്തിനായി റോഡരികില്‍ ഇറക്കിവെച്ച കോണ്‍ക്രീറ്റ് ബീമില്‍ ഇടിച്ചാണ് അപകടമുണ്ടായത്. തുടര്‍ച്ചയായ അവധി ലഭിച്ചതിനാല്‍ വീട്ടിലേക്ക് മടങ്ങുന്നതിനിടെയാണ് അപകടം. പരിക്കേറ്റവരെ ആദ്യം നീലേശ്വരം തേജസ്വിനി ആസ്പത്രിയിലും പിന്നീട് പരിയാരം മെഡിക്കല്‍ കോളജ് ആസ്പത്രിയിലേക്കും മാറ്റി.
Post a Comment
0 Comments