കാസര്കോട് (www.evisionnews.co): ജില്ലയില് കോവിഡ് സ്ഥിരീകരിച്ചവരുടെ എണ്ണം നാലായിരം കടന്നു. ഇന്ന് 118 പേര്ക്ക് കൂടി രോഗം സ്ഥിരീകരിച്ചതോടെ ആകെ രോഗബാധിതരുടെ എണ്ണം 4094 ആയി. ഇതില് 513 പേര് വിദേശത്ത് നിന്നെത്തിയവരും 375 പേര് ഇതരസംസ്ഥാനത്ത് നിന്നെത്തിയവരും 3206 പേര്ക്ക് സമ്പര്ക്കത്തിലൂടെയിമാണ് രോഗം സ്ഥിരീകരിച്ചത്. ഇവരില് 2980 പേര് ഇതുവരെയായി രോഗവിമുക്തരായി. നിലവില് ജില്ലയില് ചികിത്സയിലുള്ളത് 1083 പേരാണ്. കഴിഞ്ഞ ദിവസം കാഞ്ഞങ്ങാട് സ്വദേശി കൂടി കോവിഡ് ബാധിച്ച് മരിച്ചതോടെ ജില്ലയില് മരണസംഖ്യ 33 കവിഞ്ഞു.ഇന്ന് കോവിഡ് സ്ഥിരീകരിച്ചവരില് 103 പേര്ക്ക് സമ്പര്ക്കത്തിലൂടെയും മൂന്നു പേര് വിദേശത്ത് നിന്നെത്തിയവരും 12 പേര് ഇതര സംസ്ഥാനത്ത് നിന്നെത്തിയവരുമാണ്. നാല് ആരോഗ്യപ്രവര്ത്തകരും നാല് പൊലീസ് ഉദ്യോഗസ്ഥരും ഇതില്പെടും. 91പേര്ക്ക് കോവിഡ് നെഗറ്റീവായി.
വീടുകളില് 4300പേരും സ്ഥാപനങ്ങളില് 988 പേരുമുള്പ്പെടെ ജില്ലയില് ആകെ നിരീക്ഷണത്തിലുള്ളത് 5288 പേരാണ്. പുതിയതായി 393 പേരെ കൂടി നിരീക്ഷണത്തിലാക്കി. സെന്റിനല് സര്വ്വേ അടക്കം പുതിയതായി 16 സാമ്പിളുകള് കൂടി പരിശോധനയ്ക്ക് അയച്ചു. 311 പേരുടെ പരിശോധനാ ഫലം ലഭിക്കാനുണ്ട്. 441 പേര് നിരീക്ഷണ കാലയളവ് പൂര്ത്തിയാക്കി. 114 പേരെ ആശുപത്രികളിലും കോവിഡ് കെയര് സെന്ററുകളിലുമായി പ്രവേശിപ്പിച്ചു. ആസ്പത്രികളില് നിന്നും കോവിഡ് കെയര് സെന്ററുകളില് നിന്നും 94 പേരെ ഡിസ്ചാര്ജ് ചെയ്തു.
Post a Comment
0 Comments