കാസര്‍കോട് (www.evisionnews.co): സമാന്തര സര്‍വീസ് വ്യാപകമായതുമൂലം കാസര്‍കോട്- സീതാംഗോളി, മധൂര്‍ റൂട്ടില്‍ സ്വകാര്യ ബസുകള്‍ സര്‍വീസ് നിര്‍ത്തിവെക്കുന്നു. ഡീസല്‍ വില വര്‍ധനവുമൂലം പ്രതിദിനം 2000 രൂപയിലധികം അധിക ബാധ്യതക്ക് മേലെ ഓട്ടോ റിക്ഷകളുടെ സമാന്തര സര്‍വീസ് മൂലം വലിയ വരുമാന നഷ്ടമാണ് ഈറൂട്ടിലുണ്ടായിരിക്കുന്നത്. പ്രതിദിനം ബസിലെ യാത്രക്കാരില്‍ 80 ശതമാനത്തോളം സ്‌കൂള്‍- കോളജ് വിദ്യാര്‍ത്ഥികളാണ്. ജീവനക്കാര്‍ക്ക് വേതനം നല്‍കാന്‍ പോലും വരുമാനം തികയാത്ത അവസ്ഥയാണ് ഉണ്ടായിരിക്കുന്നതെന്നും ഇതില്‍ പ്രതിഷേധിച്ച് 26 മുതല്‍ കാസര്‍കോട്- മധൂര്‍- സീതാംഗോളി റൂട്ടിലെ ബസോട്ടം നിര്‍ത്തിവെക്കാന്‍ ബസുടമകളും ജീവനക്കാരും തീരുമാനിച്ചതായും ബന്ധപ്പെട്ടവര്‍ അറിയിച്ചു.
Post a Comment
0 Comments