ദോഹ : (www.evisionnews.co)കരിപ്പൂർ വിമാനത്താവളത്തിൽ ഗൾഫ് യാത്രക്കാരുടെ ബാഗേജുകൾ കൊള്ള ചെയ്യപ്പെടുന്ന സംഭവങ്ങളുടെ ഉത്തരവാദിത്വത്തിൽ നിന്നും എയർ ഇന്ത്യ ഒളിച്ചോടുകയാണെ ന്ന് ഖത്തർ കെഎംസിസി മൊഗ്രാൽ പുത്തൂർ പഞ്ചായത്ത് കമ്മിറ്റി യോഗം ആരോപിച്ചു. എയർ ഇന്ത്യ എക്സ്പ്രസ്സ് വിമാനങ്ങളിൽ യാത്ര ചെയ്യുന്ന ഗൾഫ് യാത്രക്കാരാണ് കരിപ്പൂരിൽ കൊള്ളക്ക് ഇരയാവുന്നത്. എയർപോർട്ടിലെ കൊള്ള ഗൾഫിലെ വിമാനത്താവള ങ്ങളിൽ
നടക്കാൻ സാധ്യത ഇല്ലെന്നും യോഗം ചൂണ്ടിക്കാട്ടി. പത്തോളം യാത്രക്കാരുടെ ബാഗുകളാണ് ഓപ്പറേഷൻ എയർപോർട്ട് മാഫിയയിലൂടെ അടുത്ത കാലത്തു കുത്തി തുറന്നത്. യാത്രക്കാരുടെ ബാഗേജുകൾ കൊള്ളയടിക്കുന്ന സംഭവങ്ങൾ ഇന്ത്യ രാജ്യത്തിന് നാണക്കേടാണെന്നും ഭാരവാഹികൾ ചൂണ്ടികാണിച്ചു. വിഷയത്തിൽ സർക്കാർ ഇടപെടണമെന്ന് യോഗം ആവശ്യപ്പെട്ടു. ബാവ ഹാജി ഉദ് ഘടനം ചെയ്തു. പ്രസിഡന്റ് ബഷീർ മജൽ അധ്യക്ഷത വഹിച്ചു. ജനറൽ സെക്രട്ടറി അബ്ദുൽ റഹ്മാൻ എരിയാൽ സ്വാഗതം പറഞ്ഞു. ഹാരിസ് എരിയാൽ, ഡിസ് അബ്ദുള്ള, അൻവർ കടവത്ത് . ഹമീദ് പുത്തൂർ പ്രസംഗിച്ചു.
Post a Comment
0 Comments