വളാഞ്ചേരി :(www.evisionnews.co) അത്തിപ്പറ്റ ജി.എല്.പി സ്കൂളില് മീസില്സ് റുബെല്ല പ്രതിരോധ കുത്തിവെപ്പിനിടെ ആരോഗ്യവകുപ്പ് ജീവനക്കാരെ മര്ദിച്ച കേസില് മൂന്നുപേരെ വളാഞ്ചേരി പൊലീസ് അറസ്റ്റ് ചെയ്തു. സഹോദരങ്ങളായ അത്തിപ്പറ്റ പറങ്ങാട്ട്പറമ്ബില് സഫ്വാന് (26), മുബഷീര് (23), എടയൂര് സ്വദേശി ചോലക്കാട്ടില് ഫൈസല് ബാബു (24) എന്നിവരെയാണ് വളാഞ്ചേരി എസ്.ഐ ബഷീര് സി. ചിറക്കലിെന്റ നേതൃത്വത്തില് പിടികൂടിയത്. തിരൂര് കോടതിയില് ഹാജരാക്കി.
ജാമ്യമില്ലവകുപ്പ് പ്രകാരമാണ് കേസ്. കണ്ടാലറിയാവുന്ന ആറ് പേര്ക്കെതിരെ കേസെടുത്തതായും അന്വേഷണം ഉൗര്ജിതമാക്കിയതായും പൊലീസ് പറഞ്ഞു. കൃത്യനിര്വഹണം തടസ്സപ്പെടുത്തല്, കൈയേറ്റം, സംഘടിച്ചെത്തി ജീവനക്കാരെ ആക്രമിക്കല് തുടങ്ങിയ വകുപ്പുകളാണ് ചുമത്തിയത്. പാലക്കാട് ജില്ല പൊലീസ് മേധാവി സുധീഷ് കുമാറിെന്റ മേല്നോട്ടത്തില് തിരൂര് ഡിവൈ.എസ്.പി വി. ഉല്ലാസ്, വളാഞ്ചേരി സി.ഐ കൃഷ്ണന്, വളാഞ്ചേരി എസ്.ഐ ബഷീര് സി. ചിറക്കല് എന്നിവരുടെ നേതൃത്വത്തില് പ്രത്യേകസംഘമാണ് അന്വേഷണം നടത്തുന്നത്. അക്രമത്തില് പരിക്കേറ്റ ജെ.പി.എച്ച്.എന് ശ്യാമളബായിയെ (45) കുറ്റിപ്പുറം താലൂക്ക് ആശുപത്രിയില് പ്രവേശിപ്പിച്ചിരുന്നു.
Post a Comment
0 Comments