കാകമിഗഹാര (ജപ്പാൻ) :(www.evisionnews.co)ഏഷ്യാകപ്പ് ഹോക്കി ചാംപ്യൻഷിപ്പിൽ ഇന്ത്യൻ വനിതകൾക്കു കിരീടം. ജപ്പാനിലെ കാകമിഗഹാരയിൽ നടന്ന വാശിയേറിയ കലാശപ്പോരിൽ ചൈനയെ മറികടന്നാണ് ഇന്ത്യൻ വനിതകൾ കിരീടം ചൂടിയത്. പെനൽറ്റി ഷൂട്ടൗട്ടിൽ 5–4നാണ് ഇന്ത്യൻ വനിതകൾ ജയിച്ചുകയറിയത്. മുഴുവൻ സമയത്ത് ഇരുടീമുകളും ഓരോ ഗോളടിച്ച് സമനില പാലിക്കുകയായിരുന്നു.
13 വർഷത്തെ ഇടവേളയ്ക്കു ശേഷമാണ് ഏഷ്യാകപ്പ് ഹോക്കിയിൽ ഇന്ത്യൻ വനിതകൾ കിരീടം നേടുന്നത്. ഇന്ത്യ ആതിഥ്യം വഹിച്ച 2004ലെ ഏഷ്യാകപ്പിൽ ജപ്പാനെ 1–0നു തോൽപ്പിച്ചാണ് ഒടുവിൽ ഇന്ത്യ കിരീടം നേടിയത്. ഈ വിജയത്തോടെ അടുത്ത വർഷം നടക്കുന്ന ലോകകപ്പ് ഹോക്കിക്കും ഇന്ത്യൻ വനിതകൾ യോഗ്യത നേടി.
Post a Comment
0 Comments