മന്ത്രി ഇ ചന്ദ്രശേഖരനെ മാറ്റണമെന്ന അഭിപ്രായം സിപിഎമ്മിനില്ല: കോടിയേരി

തിരുവനന്തപുരം:(www.evisionnews.in) റവന്യൂമന്ത്രിയെ മാറ്റണമെന്ന അഭിപ്രായം സിപിഎമ്മിനില്ലെന്ന് സംസ്ഥാന സെക്രട്ടറി കോടിയേരി ബാലകൃഷ്ണൻ.ഒരുമന്ത്രിയേയും മാറ്റണമെന്ന അഭിപ്രായം സിപിഎമ്മിനില്ല. മൂന്നാർ വിഷയത്തിൽ സർവകക്ഷി യോഗം വിളിക്കാൻ ആവശ്യപ്പെട്ടത് സിപിഐ അടക്കമുള്ള കക്ഷികൾ ആവശ്യപ്പെട്ടത് അനുസരിച്ചാണ്.

ജില്ലാ തല യോഗമായതിനാൽ സംസ്ഥാന നേതൃത്വത്തെ അറിയിക്കണമെന്നില്ല. നയപരമായ കാര്യങ്ങളിൽ സിപിഐയുമായി അഭിപ്രായവ്യത്യാസമില്ല. സർ ക്കാരിന് കൂട്ടുത്തരവാദിത്വം നഷ്ടപ്പെട്ടിട്ടില്ല എന്നും അദ്ദേഹം പറഞ്ഞു.

നടി ആക്രമിക്കപ്പെട്ട സംഭവത്തിൽ ഗൂഢാലോചനയില്ല എന്ന മുഖ്യമന്ത്രിയുടെ പ്രതികരണത്തെ കുറിച്ച് ചോദിച്ചപ്പോൾ ഗൂഢാലോചനയില്ലെന്ന് പറഞ്ഞത് ആ ഘട്ടത്തിൽ സൂചനയില്ലാത്തതിനാലാണെന്നായിരുന്നു പ്രതികരണം.



keywords-e chandrashekharana-revaneu minister-kodiyeri balakrishnan