മംഗളൂരു:(www.evisionnews.in)സ്ത്രീധന പീഢനത്തെ തുടര്ന്ന് യുവതി ആത്മഹത്യ ചെയ്ത കേസില് ഭര്ത്താവിനെ ഉള്ളാള് പോലീസ് അറസ്റ്റ് ചെയ്തു.നാടാര്-മദൂരിലെ അബൂബക്കര് സിദ്ദീഖാണ് അറസ്റ്റിലായത്. ഇയാളെ കോടതി റിമാന്റ് ചെയ്ത് തുടരന്വേഷണത്തിന് പോലീസ് കസ്റ്റഡിയില് വിട്ടു.
സിദ്ദീഖിന്റെ ഭാര്യ റംലത്ത് ഡിസംബര് 13നാണ് കോണാജെയിലെ സ്വന്തം വീട്ടില് ആത്മഹത്യ ചെയ്തത്.ഭര്തൃ വീട്ടിലെ സ്ത്രീധന പീഢനം അസഹ്യമായപ്പോഴാണ് യുവതി സ്വന്തം വീട്ടിലേക്ക് മടങ്ങിയത്.കോണാജെ-അഡ്ക്കരെപ്പടുപ്പിലെ ഹസനബ്ബയുടെ മകളാണ് റംലത്ത് 15 വര്ഷം മുമ്പാണ് സിദ്ദീഖും റംലത്തും വിവാഹിതരായത്.5ലക്ഷം രൂപയും സ്വര്ണ്ണവും കൂടുതല് ആവശ്യപ്പെട്ടായിരുന്നു ഭര്ത്താവും വീട്ട്കാരും പീഢിപ്പിച്ചത്.
സിദ്ദീഖും ഉമ്മ നബീസയും സഹോദരിമാരായ മുംതാസ്, അസ്മ , ബന്ധുവായ യൂനുസ് എന്നിവരാണ് കേസിലെ മറ്റുപ്രതികള്.ആത്മഹത്യക്ക് പ്രേരിപ്പിച്ചു എന്ന് കുറ്റമാണ് സിദ്ദീഖിനെതിരെ ചുമത്തിയത്.
Post a Comment
0 Comments