ജയ്പുര് (www.evisionnews.in): രാജസ്ഥാനിലെ ദൗസയില് പ്രമുഖനടിയും ബിജെപി മഥുര എംപിയുമായ ഹേമമാലിനി സഞ്ചരിച്ച കാര് മറ്റൊരു കാറിലിടിച്ച് നാലുവയസുകാരന് മരിച്ചു. സംഭവത്തെ തുടര്ന്ന് ഹേമമാലിനിയുടെ കാര് ഡ്രൈവറെ പോലീസ് അറസ്റ്റ് ചെയ്തു. ഹേമമാലിനി സഞ്ചരിച്ച ബെന്സ് കാറിന്റെ അമിതവേഗമാണ് അപകടത്തിനിടയാക്കിയത്. അമിതവേഗത്തിലെത്തിയ ബെന്സ് കാര് ആള്ട്ടോയിലിടിക്കുകയായിരുന്നു. മാതാപിതാക്കള്ക്കൊപ്പം ആള്ട്ടോ കാറിലുണ്ടായിരുന്ന കുട്ടിയാണ് മരിച്ചത്. സോനം എന്ന കുട്ടിയാണ് മരിച്ചത്. ഈ കുട്ടിയുടെ സഹോദരനും അമ്മയ്ക്കും ഗുരുതരമായ പരിക്കുണ്ട്. സവായ് മാന്സിങ് ആശുപത്രിയില് ചികിത്സയിലാണ് ഇവര്.
പരിക്കേറ്റ നിലയില് ജയ്പുരിലെ ഫോര്ട്ടിസ് ആസ്പത്രിയില് പ്രവേശിപ്പിച്ച ഹേമമാലിനി സുഖംപ്രാപിച്ചുവരുന്നു. നെറ്റിക്കു മുകളിലായും മൂക്കിലുമാണ് ഹേമമാലിനിക്കു പരിക്കേറ്റത്. നെറ്റിയില് നാല് സ്റ്റിച്ച് വേണ്ടിവന്നു. വ്യാഴാഴ്ച രാത്രി ഒമ്പതുമണിയോടെയാണ് അപകടമുണ്ടായത്. മഥുരയില്നിന്ന് ജയ്പുരിലേക്കു പോവുകയായിരുന്ന ഹേമമാലിനി. ഇവരുടെ കണ്ണിന് മുകളിലും കാലിനും പരുക്കേറ്റിട്ടുണ്ട്. തുടര്ന്ന് ഇവരെ വിശദമായ പരിശോധനയ്ക്ക് വിധേയമാക്കി.
Keywords: madhurai-news-car-accident-news-car-crash-died-a-baby-injured
Post a Comment
0 Comments