തിങ്കളാഴ്ച അതിശക്ത മഴ: കാസര്‍കോട് ഉള്‍പ്പടെ ഏഴ് ജില്ലകള്‍ക്ക് മുന്നറിയിപ്പ്

കേരളം (www.evisionnews.co): സംസ്ഥാനത്ത് തിങ്കളാഴ്ച അതിതീവ്ര മഴ ഉണ്ടാകുമെന്ന് ഏഴ് ജില്ലകള്‍ക്ക് മുന്നറിയിപ്പ്. ഈ ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. ഇടുക്കി, പാലക്കാട്, മലപ്പുറം, കോഴിക്കോട്, കണ്ണൂര്‍, വയനാട്, കാസര്‍കോട് ജില്ലകളിലാണ് കാലാവസ്ഥാ വകുപ്പ് ജാഗ്രതാ നിര്‍ദേശം നല്‍കിയത്. തീരമേഖലയില്‍ വ്യാപകമായ മഴയും ഒറ്റപ്പെട്ട പ്രദേശങ്ങളില്‍ അതിശക്തമായ മഴയും ലഭിക്കും. 

നാളെയോടെ മഴകൂടുതല്‍ ശക്തമാകാനും ഇടയുണ്ട്. ബംഗള്‍ ഉള്‍ക്കടലില്‍ രൂപമെടുത്ത ന്യൂനമര്‍ദത്തിന്റെ സ്വാധീനത്തിലാണ് കേരളത്തില്‍ മഴ കനത്തത്. കന്യാകുമാരി ഉള്‍പ്പെടെ തമിഴ്നാട്, പോണ്ടിച്ചേരി, ആന്ധ്ര, ഒഡീഷ , ആന്‍ഡമാന്‍ പ്രദേശങ്ങളില്‍ മത്സ്യതൊഴിലാളികള്‍ കടലില്‍പോകരുത്. ബുധനാഴ്ച വരെ മഴതുടരുമെന്ന് കാലാവസ്ഥാ കേന്ദ്രം അറിയിച്ചു