കാസര്‍കോട് (www.evisionnews.co): അബുദാബി കെഎംസിസി കാസര്‍കോട് മുനിസിപ്പല്‍ കമ്മിറ്റിയുടെ പുതിയ സംരഭമായ സ്വയം തൊഴില്‍ ചെയ്യാനാവശ്യമായ തൊഴില്‍ ഉപകരണങ്ങള്‍ നല്‍കുന്ന മഹീശത്തുറഹ്മ പദ്ധതി പ്രകാരം നെല്ലിക്കുന്ന് ഫിര്‍ദൗസ് നഗറിലെ പാവപ്പെട്ട കുടുംബത്തിലെ അത്താണിക്ക് അനുവദിച്ചുകിട്ടിയ ഉന്തുവണ്ടി എന്‍എ നെല്ലിക്കുന്ന് എംഎല്‍എ, മുസ്ലിം ലീഗ് ഫിര്‍ദൗസ് നഗര്‍ ശാഖാ ഭാരവാഹികള്‍ക്ക് കൈമാറി ഉദ്ഘാടനം ചെയ്തു.
അബുദാബി കെഎംസിസി കാസര്‍കോട് മുനിസിപ്പല്‍ കമ്മിറ്റി മുന്‍ പ്രസിഡന്റ് ഹമീദ് ബദ്രിയ്യ അധ്യക്ഷത വഹിച്ചു. കാസര്‍കോട് മണ്ഡലം മുസ്ലിം ലീഗ് കമ്മിറ്റി വൈസ് പ്രസിഡന്റ് അബ്ബാസ് ബീഗം, കാസര്‍കോട് മുനിസിപ്പല്‍ കമ്മിറ്റി ട്രഷറര്‍ മുഹമ്മദ് കുഞ്ഞി തായലങ്ങാടി, ഹംസ കീഴൂര്‍, മുസ്തഫ ഷേഖ്, മമ്മിഞ്ഞി തായലങ്ങാടി, സുബൈര്‍ എന്‍എ, മുഹമ്മദ് കുഞ്ഞി ഈസ്റ്റ്, ഹനീഫ് എംഎ സംബന്ധിച്ചു. മുസ്ലിം ലീഗ് ശാഖാ സെക്രട്ടറി മുസമ്മില്‍ ടിഎച്ച് സ്വാഗതവും മുനിസിപ്പല്‍ മുസ്ലിം യൂത്ത് ലീഗ് വൈസ് പ്രസിഡന്റ് എസ്‌കെ മുസമ്മില്‍ നന്ദിയും പറഞ്ഞു.
Post a Comment
0 Comments