കാസര്‍കോട് (www.evisionnews.co): ജില്ലയില്‍ ഇന്ന് 295 പേര്‍ക്ക് കൂടി കോവിഡ് 19 സ്ഥിരീകരിച്ചതോടെ രോഗബാധിതരുടെ എണ്ണം 15000 കടന്നു. ഇന്ന് ആകെ കോവിഡ് സ്ഥിരീകരിച്ചത് 15,002പേര്‍ക്ക്. കോവിഡ് പോസിറ്റീവുകളുടെ എണ്ണം വര്‍ധിക്കുന്നതിനൊപ്പം മരണസംഖ്യയും ഉയരുകയാണ്. 133 പേരാണ് ഇതിനകം കോവിഡ് രോഗലക്ഷണങ്ങളോടെ മരിച്ചത്. നിലവില്‍ 3746 പേരാണ് ചികിത്സയില്‍ കഴിയുന്നത്.
ഇന്ന് ഏഴ് ആരോഗ്യ പ്രവര്‍ത്തകര്‍ ഉള്‍പ്പടെ 253 പേര്‍ക്കും സമ്പര്‍ക്കത്തിലൂടെയാണ് രോഗബാധയുണ്ടായത്. 345 പേര്‍ രോഗമുക്തി നേടുകയും ചെയ്തു. ഇതുവരെ ആകെ 11005 പേര്‍ക്ക നെഗറ്റീവായി. വീടുകളില്‍ 3630 പേരും സ്ഥാപനങ്ങളില്‍ 1387 പേരുമുള്‍പ്പെടെ 5017 പേരാണ് ജില്ലയില്‍ ആകെ നിരീക്ഷണത്തിലുള്ളത്. പുതിയതായി 310 പേരെ കൂടി നിരീക്ഷണത്തിലാക്കി. സെന്റിനല്‍ സര്‍വേ അടക്കം പുതിയതായി 230 സാമ്പിളുകള്‍ കൂടി പരിശോധനയ്ക്കയച്ചു. 185 പേരുടെ പരിശോധനാ ഫലം ലഭിക്കാനുണ്ട്. 653 പേര്‍ നിരീക്ഷണ കാലയളവ് പൂര്‍ത്തിയാക്കി. 243 പേരെ ആസ്പത്രികളിലും കോവിഡ് കെയര്‍ സെന്ററുകളിലുമായി പ്രവേശിപ്പിച്ചു. ആസ്പത്രികളില്‍ നിന്നും കോവിഡ് കെയര്‍ സെന്ററുകളില്‍ നിന്നും 509 പേരെ ഡിസ്ചാര്‍ജ് ചെയ്തു.
Post a Comment
0 Comments