കാസര്കോട് (www.evisionnews.co): ഖത്തറിലേക്ക് പോവുകയായിരുന്ന യുവാവിന്റെ കൈവശം ബ്രൗണ് ഷുഗര് കൊടുത്തുവിടാന് ശ്രമം. തിങ്കളാഴ്ച രാത്രി പെര്ള അമേക്കളയില് നിന്നും ഖത്തറിലേക്ക് പോവുകയായിരുന്ന കബീറിന്റെ (34) കൈവശമാണ് ഡയറിയില് ഒളിപ്പിച്ച് ബ്രൗണ് ഷുഗര് കൊടുത്തുവിടാന് ശ്രമിച്ചത്. കബീറിന്റെ സഹോദരന് സംശയം തോന്നി പാക്കറ്റ് പൊളിച്ചപ്പോഴാണ് ഡയറിയില് ബ്രൗണ് ഷുഗര് രണ്ട് പേപ്പറുകളിലായി ഒട്ടിച്ചനിലയില് കണ്ടെത്തിയത്. ഇതേതുടര്ന്ന് കബീറിന്റെ പിതാവ് സൂഫി ബദിയടുക്ക പോലീസില് പരാതി നല്കുകയായിരുന്നു. അതേസമയം മയക്കുമരുന്ന് വിവരം പുറത്തുവന്നതോടെ മയക്കുമരുന്ന് കൊടുത്തുവിടാന് ശ്രമിച്ച ജൗഹര് എന്ന യുവാവും സുഹൃത്ത് ഷംസീറും മുങ്ങി. ഖത്തറിലുള്ള മയക്കുമരുന്ന് കൊടുത്തുവിട്ട യുവാവിന്റെ ബന്ധു ഖലീലിനെ പ്രദേശവാസികളായ യുവാക്കള് പിടികൂടി.
മൂന്നു മാസം മുമ്പാണ് കബീര് ഖത്തറില് നിന്നും നാട്ടിലെത്തിയത്. വിവാഹിതനായ ശേഷം വീണ്ടും ഖത്തറിലേക്ക് പോകാനിരിക്കുമ്പോഴാണ് യുവാവിനെ മയക്കുമരുന്ന് കൊടുത്തുവിട്ട് ചതിയില്പെടുത്താന് ശ്രമിച്ചത്. സംഭവം പുറത്തുവന്നതോടെ മയക്കുമരുന്ന് സംഘത്തിനെതിരെ ശക്തമായ പ്രതിഷേധമാണ് പ്രദേശത്ത് ഉയരുന്നത്.
Post a Comment
0 Comments