ബാംഗ്ലൂര് (www.evisionnews.co): കര്ണാടകയില് തെരഞ്ഞെടുപ്പിന് ദിവസങ്ങള് മാത്രം ബാക്കി നില്ക്കെ കോണ്ഗ്രസില് നിന്നും ബിജെപിയിലേക്ക് പോയ നേതാവ് മണിക്കൂറുകള്ക്കുള്ളില് തിരിച്ച് കോണ്ഗ്രസിലെത്തി. പനേമംഗലുരു ബ്ലോക്ക് സെക്രട്ടറി സുന്ദര ദേവിനഗരയാണ് രാവിലെ ബിജെപിയിലേക്ക് പോയി വൈകിട്ട് കോണ്ഗ്രസിലേക്ക് തിരിച്ചുവന്നത്.
ശനിയാഴ്ച രാവിലെ ബിജെപി സ്ഥാനാര്ത്ഥി യു രാജേഷ് നായിക് സുന്ദരയ്ക്ക് പാര്ട്ടി പതാക നല്കി വരവേറ്റത്. വനം മന്ത്രി ബി രാമനാഥ റായിക്കെതിരെ മത്സരിക്കുന്നയാളാണ് രാജേഷ്. മണിക്കൂറുകള്ക്കു ശേഷം വൈകിട്ട് കോണ്ഗ്രസ് പാര്ട്ടി സംഘടിപ്പിച്ച പരിപാടിയില് പങ്കെടുത്ത സുന്ദര പാര്ട്ടിയില് തിരിച്ചെത്തിയതായി പ്രഖ്യാപിച്ചു. ചന്ദ്രപ്രകാശ് ഷെട്ടി തുംബെയുള്പ്പെടെയുള്ള മുതിര്ന്ന കോണ്ഗ്രസ് നേതാക്കള് പങ്കെടുത്ത ചടങ്ങായിരുന്നു അത്. കോണ്ഗ്രസ്, ജെഡിഎസ് നേതാക്കള് കഴിഞ്ഞ കുറച്ചു ദിവസമായി കര്ണാടകത്തില് കൂട്ടത്തോടെ ബിജെപിയിലേക്ക് ചേക്കേറുകയാണ്. ഈ സാഹചര്യത്തിലാണ് കോണ്ഗ്രസ് നേതാവ് തിരിച്ചെത്തിയത് എന്നതാണ് കൗതുകം.
Post a Comment
0 Comments