ബെംഗളൂരു : (www.evisionnews.co) കര്ണാടകയിലെ രാമനഗരയില് പുലര്ച്ചെ കാറും ട്രക്കും കൂട്ടിയിടിച്ചു എംബിബിഎസിനു പഠിക്കുന്ന നാലു മലയാളി വിദ്യാര്ഥികള് മരിച്ചു. ബെംഗളൂരു രാജരാജേശ്വരി മെഡിക്കല് കോളജ്, തമിഴ്നാട് വെല്ലൂര് വിഐടിയു കോളജ് എന്നിവിടങ്ങളിലെ വിദ്യാര്ഥികളായ ജോയല് ജേക്കബ്, ദിവ്യ, നിഖിത്, ജീന എന്നിവരാണു മരിച്ചത്. മൈസുരു ദേശീയപാതയില് രാമനഗര ജില്ലയിലെ സംഘബസവനദൊട്ടിയില് വച്ച് പുലര്ച്ചെ മൂന്നേമുക്കാലോടെയാണ് അപകടം ഉണ്ടായത്.
ബെംഗളൂരു ഭാഗത്തേക്കു വരികയായിരുന്ന വിദ്യാര്ഥികളുടെ കാറിനു നേരെ മൈസുരു ഭാഗത്തേക്കു പോകുകയായിരുന്ന ട്രക്ക് ഇടിക്കുകയായിരുന്നു. ട്രക്കിന്റെ അമിത വേഗതയാണ് അപകടത്തിനു പിന്നിലെന്നു ദൃക്സാക്ഷികള് അറിയിച്ചു. ട്രക്ക് കാറിനെ ഇടിച്ചുതെറിപ്പിച്ചു. നാലു വിദ്യാര്ഥികളും സംഭവസ്ഥലത്തുവച്ചുതന്നെ മരിച്ചു. ജോയല് ജേക്കബും ദിവ്യവും ബെംഗളൂരു രാജരാജേശ്വരി മെഡിക്കല് കോളജ് വിദ്യാര്ഥികളാണ്.
Post a Comment
0 Comments