ആലപ്പുഴ: (www.evisionnews.in) തിരുവനന്തപുരത്ത് അധ്യാപകരുടെ പരിശീലന പരിപാടിയില് പങ്കെടുക്കാനെന്ന് പറഞ്ഞ ശേഷം, പ്ലസ്ടു വിദ്യാര്ഥിയായ കാമുകനൊപ്പം വയനാട്ടില് ടൂര് പോയ അധ്യാപികയെ ഭര്ത്താവ് പിടികൂടി. മൊബൈല് ടവര് ലൊക്കേഷന് പിന്തുടര്ന്നാണ് അധ്യാപികയെയും കാമുകനെയും ഭര്ത്താവ് പിടികൂടിയത്.
ആലപ്പുഴയിലെ പ്രമുഖ പബ്ലിക് സ്കൂളിലെ മലയാളം അധ്യാപികയും, പ്ലസ്ടു വിദ്യാര്ത്ഥിയായ കാമുകനുമാണ് കുടുങ്ങിയത്. സംഭവത്തില് മാനഹാനി ഭയന്ന് രണ്ടു വീട്ടുകാരും പ്രശ്നം ഒതുക്കിത്തീര്ത്തു .
രണ്ടു ദിവസത്തെ പരിശീലന ക്ലാസില് പങ്കെടുക്കാന് തിരുവനന്തപുരത്തിനു പോകുകയാണെന്ന് പറഞ്ഞാണ് അധ്യാപിക കഴിഞ്ഞ ബുധനാഴ്ച വീട്ടില് നിന്നു ഇറങ്ങിയത്. ആലപ്പുഴ റെയില്വേ സ്റ്റേഷനില് നിന്ന് അധ്യാപികയെ ഭര്ത്താവ് ട്രെയിന് കയറ്റി വിടുകയും ചെയ്തു. എന്നാല് അധ്യാപിക ട്രെയിനില് നിന്നും കായംകുളത്ത് ഇറങ്ങിയ ശേഷം കാമുകനായ പ്ലസ്ടു വിദ്യാര്ഥിക്കൊപ്പം കാറില് വയനാട്ടിലേക്കു യാത്ര തിരിച്ചു. തുടര്ന്ന് രാത്രി തിരുവനന്തപുരത്ത് എത്തിയതായും, താമസ സൗകര്യം ഒപ്പം ജോലി ചെയ്യുന്ന അധ്യാപികക്കൊപ്പം ശരിയായതായും അധ്യാപിക ഭര്ത്താവിനെ വിളിച്ചു പറയുകയും ചെയ്തിരുന്നു.
എന്നാല് പിറ്റേന്ന് തിരുവനന്തപുരത്ത് ഭാര്യയ്ക്കൊപ്പമുണ്ടെന്നു പറഞ്ഞ അധ്യാപികയെ ആലപ്പുഴയില് വച്ച് ഭര്ത്താവ് കണ്ടതോടെയാണ് സംഭവം പാളിയത്. പ്രകോപിതനായ ഭര്ത്താവ് പൊലീസ് ഉദ്യോഗസ്ഥനായ സുഹൃത്തിന്റെ സഹായത്തോടെ ഭാര്യയുടെ മൊബൈല് ടവര് ലൊക്കേഷന് കണ്ടെത്തി. ഭാര്യ വയനാട്ടിലാണെന്ന് തിരിച്ചറിഞ്ഞ ഇയാള് ഭാര്യയുടെ കോള് ഹിസ്റ്ററിയും എസ്എംഎസ് സന്ദേശങ്ങളും വിശദമായ പരിശോധനയ്ക്കു വിധേയമാക്കി. ഇതോടെയാണ് കാമുകനൊപ്പം വിനോദസഞ്ചാരത്തിനായി പോയതാണെന്ന് കണ്ടെത്തിയത്.
തുടര്ന്നു ഭര്ത്താവും സുഹൃത്തുക്കളും വയനാട്ടിലെത്തി ഭാര്യയെയും കാമുകനെയും താമസിക്കുന്ന സ്ഥലം കണ്ടെത്തുകയായിരുന്നു. . വിദ്യാര്ഥിയെ ബന്ധുക്കളെ വിളിച്ചു വരുത്തിയ ശേഷം കൈമാറി. ഇരുവരെയും സസ്കൂളില് നിന്നു മാനേജ്മെന്റ് പുറത്താക്കി.
keywords: plus-two-student-tour-with-teacher
Post a Comment
0 Comments