ബംഗളൂരു: ശിവമൊഗ്ഗയ്ക്ക് സമീപം ബിദാരെയില്‍ ഓടിക്കൊണ്ടിരുന്ന ട്രെയിനിന്റെ എഞ്ചിന്‍ വേര്‍പ്പെട്ടു. സംഭവത്തില്‍ നാശനഷ്ടങ്ങളൊന്നും റിപോര്‍ട് ചെയ്തിട്ടില്ല. തലഗുപ്പ- ബംഗളൂരു ഇന്റര്‍സിറ്റി സൂപര്‍ഫാസ്റ്റ് എക്സ്പ്രസിലാണ് സംഭവം. ശിവമോഗ റെയില്‍വേ സ്റ്റേഷനില്‍ നിന്ന് ട്രെയിന്‍ നീങ്ങിയതിന് പിന്നാലെ എഞ്ചിന്‍ ബോഗികളില്‍ നിന്ന് വേര്‍പ്പെടുകയായിരുന്നു. സംഭവത്തിന് പിന്നാലെ യാത്രക്കാര്‍ അല്‍പസമയത്തേക്ക് പരിഭ്രാന്തരായി. എഞ്ചിനും ബോഗിയും തമ്മില്‍ ഘടിപ്പിക്കുന്ന ക്ലിപിങ് അയഞ്ഞതാണ് അപകടകാരണമെന്നാണ് വിവരം.
Post a Comment
0 Comments